فضفضة

 .....
سيروا علي ! 
 قهوه وشاي الله يحييكم 
بس ماني بخيلة ولآعجازة 😉
....
تعرفون ليش صارن الحريم جالسات ببيوتهن ومايروحن زيارات وﻻجمعات مثل من اول ..!!
وليش انقطعن عن بعض !!
الجواب هنا👇
وأقرو التعليقات اتمنى الكل يفهم الله لايؤاخذنا بما يفعله السفهاء منا . للأسف راحت أيام البساطه والجمعات الزينه
على قهوه وتمر وشاهي وكيك او نوع واحد من الحلى
واذا ماجتهدتي وتكلفتي في عزيمتك طلعتي بخيله وعجازة أو مو مقبوله عندهن
وينفشن راسهن على اساس هن المتميزات الخطيرات .. اللي يعرفن كل شيئ 
😔
لما تفكرون بالعزيمه شوي ترا الهدف منهاالجمعه والسواليف الي توسع الصدر 
مو المغاير والمكايد والتنافس
بالمواعين واللي بها يعني الناس مو ميتين جوع أو مايعرفون
او ماعمرهم شافوا شيء 
😝😝😝
للأسف راح الزمان الزين 
زمان أول
زمن البساطه والولفه والمحبه
من اول تدق الجاره ع الجاره وتجي بنفس الوقت 👵👩👩
بدون ماتكلف على جارتها 
😘
والحين جاراتي وصديقاتي يعلمون ع العزيمه 😳
قبلها بأسبوع عشان يبدا الاجتهاد
والتكلف والمبالغه كله عشان (( عزيمتي احلى )) ! 
للأسف صار استقبال الناس صعب جدا وأزمة بهالزمن
لازم تسوين خرابيط اشكال والوان
🍮🍲🍧🍨🍩🍞🍫🍬🎂  
وبعض الناس بعد طايحين بذا 
👇
اول ماتدخلين عصير معه حلى
او كابتشينو بعدين قهوه ومعها الف نوع حلى وحلويات بعدين شاهي مع معجنات
ومقالي من كبه وسمبوسه و ..... الخ 😢
بعدها اذا بيجلسون فالعشا بوفيه مبالغ فيه من جميع الأصناف😖
طبعا غير التفنن في اشكال الصحون والمواعين والأكواب 
يعني هالعزيمه كلها مجاكر وخساير في خساير
وبعدها الحرمه تسكر بيتها ولافيه اجتماع الا بعد سنه يعني : لا حال عليها الحول !
واللي اشوفه الحين جاراتي كل وحده قطعت العلاقه
او تهربت بطريق غير مباشر وسكرت على نفسها وعيالها في البيت عشان ماتعزم احد
وتتكلف ولا احد يعزمها 

صحيح انا كنت اسوي نوع حلى واحد مع القهوه وخفايف بسيطه مع الشاهي
بس بطلت غصب عني لأني مجبره أجاري حريم المجتمع اللي حولي
ولا بيقولون عني بخيله وعجازة وانا هدفي كله
عشان ماأسد انفسهم ع العشا وياكلون !

وطبعا بعد ماتكلفت واجتهدت زيهم وجاريتهم صرت معد اعزم احد
الا بالسنه حسنه وهم برضو كذلك
والعلاقه صارت شبه منقطعه
بعد ماكنا كل اسبوع او اسبوعين نجتمع على قلوب وحده ونضحك ونسولف وتجمعنا البساطة
فرقتنا المظاهر !!
وصدق من قال :
||


اما الرجال ماشاءالله عليهم علاقتهم مستمره وباي وقت
ومافيها رسميات وماعندهم شي اسمه ( انا عزيمتي احلى )
او مبالغات .. وموسعين صدورهم ويجتمعون
على دجاجه ورز بخاري او شاورما وبروستد وهم مبسوطين 
الله يعين الحريم على انفسهم في الدنيا والاخره

مجرد فضفضه وحنين للماضي وهذا الواقع ع الجرح انكتب
على قولة واحد بسوق الديرة 
انتم يالحريم مثل بني اسرائيل شددتوا فشدد الله عليكم 😉

ارسلوها لاي قروب لانها ظاهره منتشره وارجعوا للبساطة ترجع لكم لذة زماان اول ☺️


،،،،،،،،،،،،،،،،،
شكرا لصاحبة البي سي قالت الكلام الي كثييير نفسهم يقولونه بس مو عارفين كيف !

 ..👋