فضفضة أم اتعبتها وأنهكتها طعون الليالي

السلام عليكم ورحمةالله وبركاته
أخيرن جاءالوقت الي أكتب لكم عن نفسي
وأنا في أصعب حالاتي 
والله أني قاعده أبكي بمراره
قاعده بغرفه لحالي ماأبغاء اولادي الثلاثه الكباريشوفوني أحبهم ماودي أكدرهم

شكيب 22س
مزراحي 20س
قموسي 19
طبعآهاذي مش أسمائهم هاذي عياراتهم """"""""""""">بمزح يمكن يستاسع صدري
وعندي خمسه اطفال صغار من 10س لين سنتين
الله يحفظهم يارب
الأن عمري 37س
زوجوني أهلي واناطفله في سادس ابتدائي الله لايسامحهم
المهم  
السنين الي عشتها مع زوجي23س مابقاء نوع من انواع العذاب ماشفته غربهضرب خيانه حبس طرد 
كل شي
يخطرعلئ البال أناشفته وأناطفله
كثير بكيت تمنيت حضن يأويني يحسسني باالأمان
ااااه يايمه
كنت ماشوف أهلي الاكل 5س او أكثر 
كان زوجي ياكل مخدرات تذهب عقله ويقعديلعبي بالساعات وأنا أبكي
هو ولدعمتي حاطني في غرفه وحمام فوق السطوح المكشوف 
وكنت لمن أشتكي لعمتي تقول أنا مالي دخل
وأذا درا اني أشتكيت يحبسني بغرفتي أنا وشكيب ومزراحي وقموسي ويقفل علي بالمفتاح
وينام يومين ويتركنا بدون أكل ولامويه
نقعدنبكي أنا وعيالي


تخيلو نطل من تحت الباب نصرخ ننادي 
ياعمه ياعمه ياعمه تعالي افتحيلي انا وعيالي
ترفض وتقول أنامالي دخل فيكم

الضرب اليومي تعودت عليه
أعنف ضرب كان في الأعياد
لمن يشتريلي ملابس جديده
مايسلمني الملابس لين يقطع جلدي
يقول عشان ماتنسين أني أنا الي أكدوأشتغل وأشتريلك ولعيالك

أقسم بالله أني أكتب ؤأبكي
ماضي أسود مظلم


كرهت أسم عمه وكرهت كلمه مالي دخل في شي
الله حسبهم ونعم الوكيل

المهم كان زمان مافيه جوالات والتلفونات بدون صفر
اخوي كل كم شهركان يتصل يسلم علي
أسمع صوته وتخنقني العبره وأصير أبكي
اهلي بالغربيه وانا في قريه في الوسطاء
كان زوجي يسافر(بانكوك)ومدري فين 
ويتركنا بدون مصروف
عيالي مايعرفون بسكوت وحلاوه
 وعمتي دايم مالها دخل
لا وأذا جو حريم عند عمتي أخاف وأتخباء وعيالي يتخبون فيني ليش؟
لان زوجي أول مايشوف حريم لازم يسحبني قدامهم ويضربني ويسب فيني عشان يطلع قدام الناس بطل وقوي ؛؛؛؛؛؛؛>يارب ارحمني من هاالذكريات

ومواقف مؤلمه كثيره عشتهابموت لوبكتبها كلها

كنت أسال نفسي وش سويت لأمي وأبوي
عشان يرموني عند هاذولا الناس


المهم بعد23س مؤلمه وحياة متعبه بعدماصبرت عشان عيالي صبرأيوب صارت ماتنزل دمعتي بسهوله
بس ااااه من اليوم الي أبكي فيه
خلاص أشرد لحالي بغرفه قلتلكم عشان أولادي الكبار مايشوفوني ويتكدرون
وأبكي كثيييير غصب عني والله ولين قمت الصبح تفضحني عيوني متورمهه  
للحين أحس أني أبغاء الحنان والأمان مدري يمكن عشاني ماحضنت أمي وأبوي 
سرقو طفولتي عمتي وولدها


يوم كبرت شوي
وشردت أنا وعيالي مع سواق هندي وصلني لابوي وامي واخواني
وقالولي  فضحتينا الله يفضحك
ليش تشردين وضربوني
كلهم واحد واحد بالدور قدام عيالي وانا اصرخ وعيالي يصرخون وجاني أنهيار من القهرقطعت نفسي وشعري ماأنساءبكاء عيالي؛؛؛؛؛؛؛؛؛>>يارب بقوتك وبحولك أمسح هاذيك الايام من عقلي ولاتذكرأولادي


يوم صارعمري 30س شكيت على شيخ 
وبكيت عنده
ونصحني الله يجزاه كل الخير
وقالي كل مايضربك ولايضرب اولادك أتصلي بالشرطه يجون ياخذون عليه تعهد بعدم الضرب او المثول امام القاضي
وصار الحقير يخاف
بلغت عنه 3 مرات والرابعه حولني الضابط للشيخ
وشكيت عليه 
وأمرالقاضي بان يعطيني زوجي مصروف وسكن وعدم التعرض لي او السجن




الحمدلله ارتحنا انا وعيالي من 7س تقريبن
بس نخاف على بعض للحين
نفسي احضنهم بعض اوقات عشان احس بالامان بس كبروا
وصرنا نستحي هههههههه
   
اخواتي ابوي زوجهم صغار مثلي بس رجالهم طيبين يخافون الله




للان سبحان ربي الي يشوفني يعطيني اصغرمن عمري كثيييير
وزوجي مبين بعيونه نفسه يدمرني موعارف شلون
فيني حسره علئ نفسي وعمري وسنيني  ضاعت في ليالي سوداء مظلمه  

 
اللهم لك الحمدولك الشكركما ينبغي لجلال وجهك وعظيم سلطانك
  




خايفه من هالبكاء بحسره وأختبائي عن اولادي
 لايكون حاله مرضيه
افيدوني ياأخواتي 
حسيتو هالاحساس 
أحس أني طفله بعض الاوقات من الدموع والعبرات والشهاق الي يجيني
لدرجة اتخباء لايشوفني أحد
تقريبن كل سنه أوسنتين تجيني مره وحده
وتفضحني عيوني تتورم

ولكم حبي يامنتدئ عالم حواءالغالي