فضفضة عاااااااانس ...قلبها يااااااائس

:44:السلام عليكم تحية طيبة ابعثها إليكم وكلي أمل بالله ثم بكن
في التخفيف عني فأنا والله في كرب عظيم ...


أنا معلمة والله الحمد تجاوز عمري 30 ولم اتزوج ولله الحمد صبرت كثير ولكن
والله والله أكتب لكم ودموعي تسبق كلماتي فكل من حولي أخواتي صديقاتي
قريباتي استقرو لا تجي وحده وتقول الزواج مو كل شي..!!!

صحيح الزواج مو كل شي بس اكيد الوحده تبي تفرح تبي تضم طفل تحس انها
فعلا ملكة في بيتها تحتاج للحنان والحب والإهتمام صرت والله أتحرج من الناس وخصوصا
أخواتي صديقاتي فالجميع ينظر لي نظرة رحمة وانا متأكده من هذا الشي مررت بمواقف
بعضها اتحمل واصبر واطنش والبعض مااقدر انتظر بس الليل عشان ابكي في غرفتي وبراحتي
انجرحت كثير كرهت طاري الزواج والله ودي الناس هذي كلها تعرس بدون علمي الله يوفقهن


شي شي بصراحة صرت اشك بعمري خصوصا بعد زواج اختي اللي أصغر مني واكبر مني بنفس الليله
صراحة موقف لا احسد عليه وصبرت ومرت السنيين مااخفي عليكم اني اسوي نفسي جدا عادي
وأنا في داخلي محطمه حزينه خلال 9سنوات أكثر من 50 معلمة انعزم على زواجها أنا صحيح مو اجتماعيه
ولا امي كمان ومااحب التجمعات حاولت وحاولت اقنع نفسي أنا غير فعلا انا غير في كل شي عن أخواتي


لما أشوف اطفالهم أحزن واتمنى لو يوم من الأيام أحمل طفلي رغبتي في الأمومه أكبر من كونه زواج ... سجلت في مواقع زواج ولكن كنت متردده وفعلا اعطيت احد الشباب بياناتي ع اني خطابه ولا حس ولا خبر انتظرت وانتظرت وتندمت ع تصرفي بس ياناس وش اسوي اشوف كل اللي حولي تيسرت امورهم وانا..؟!!


في بنات اقابلهن بعد سنين وأحس الدنيا والايام تمر بسرعه وارجع البيت في حالة الله العالم فيها هذي تحكي لي
عن ولدها وتوريني صوره وتحب صوره قدامي وهذي تحكي عن زوجها ورحلاتها وطلعاتها و و و و و و و
خلال هالسنييين وانا زي ما اتا ((((ماتزوجتي؟؟!))).....والله ربي ماكتب
:44:

اكره الصيفيه لكنها بالنسبة لي تذكرني بوضعي وتحسسني بالحرمان اكثر واكثر والاقي ناس ترمي بالحكي ولاهمها ...

آسفه اخواتي ع الإطاله واتمنى منكن الدعااء لي بتيسر اموري فالله ماباليد غير الدعاء هذه فضفضه لأخت لكم
مرت بأمور أسأل الله ان يعوضني في الايام القادمة...
وانتظر منكن النصح والتوجيه وهذا الأمر ماقدرت احكيه لأقرب الناس لا اخت ولا صديقه ..