فضفضة مقهورة على اخوي

صباح الخير
ابوي تزوج على امي من زمااان واحنا صغار كنت انا لسا عمري سنة بس
ابوي ماكان يعدل بين امي وزوجته ابدااااا وامي تمت صابرة وضيعت من عمرها اكثر من 20 سنة عالفاضي
ولا احنا عياله كان بينا يعدل لا بالصغر ولا بالكبر واستمر بالظلم والتفرقة ل اخر كم يوم بحياته
كنت اشوفه مع حرمته وعياله كله فرح وسعادة وحنان وضحك وبناته يمازحونه وهو يضحك وطول وقتهم نكت ومزح ولا شافنا تقولو شاف شيطان تكدر وقلب وجهه وانا استغرب ليه مو احنا كلنا عياله
حتى يوم كبرنا بدال مايرفع راسه فينا بالعكس نحسه يغاار منا ومن نجاحنا عكس بناته وعياله
يوم عرسي لا حضر الا اخر شي ولا قالي كلمة مبروك حتى بالمقابل بناته 2 تزوجو ماخلى لهم وعطاهم مبالغ ضخمة ل استقدام خدامة ولتأسيس شقة وعطى عياله مبالغ بعد وشرا سيارات وشقق لهم
وبعد موته الارث كله انحرمنا منه راح ل حرمته وعياله وبناته
هذي كلها مقدمة لموضوعي
واستمرت الحياة وطنشنا
اخوي من امي وابوي بعد ماتخرج من جامعته راح اشتغل مع ابوي بشركة حقة ابوي حلو على قوله انه مقدم على وظيفة وينتظر ترشيحه ومايبغى يقعد بالبيت
وامي وانا واخوي واختي قلنا له لا تروح ل ابوك الا قال ابروح وابوي ويمكن يتحسن بمعاملته
راح اشتغل عنده ست شهور كلها اهانات وتحطيم للنفس واستغلال بدون راتب ولا فلوس وتكللت بالاخر ب اتهام بالسرقة باطل وماله اي اساس
ابوي قال انه اخوي انه يسرق ويبيع برا للناس واخوي اساسا ماكان عنده خبرة
والقصة صارت كالاتي
اخوي بعد ماطلع من الدوام ابوي اتصل فيه وقاله لاعاد تجي خلاص وتحجج انه مافيه شغل زيادة وقاله روح دورلك وظيفة
وقال عكس الكلام ل اعمامي والناس وحتى ل اهل زوجي واتهم اخوي انه سرقه وانه يجيب زباين برا الشركة ويوديهم مكان ثاني وياخذ عمولة والذي قال انا رب الكون انه اخوي ماسوا شي حرام عليه قال عنه كذا
شقيقي بعد هالتهمة انفضح وتشوهت سمعته كثير بين الناس وصابته ازمة نفسية من كلام الناس له واثر على وزنه وصحته
ورب البيت ياصبايا انه كان يبكي مثل الولد من الغبنة والقهر وكان يدعي على ابوي تقولو عدوه ويقعد بالبيت ماله قادر يطلع لحد مازوجي الله يجزاه الجنة اخذ اخوي ووظفه معاهم فترة وبالاخر سعى له بوظيفة حكومية وتوظف وزانت اموره
ابوي توفى بتاريخ 2 مارس الماضي واخوي هذا ماحضر الا ثالث يوم عزاء فقط ورجع لمكان دوامه

الحاصل انه امي تبغى تخطب له ورحنا خطبنا له وحدة وعلى اساس ننتظر الرد وجانا الرفض من اهل العروسة ولما قلنا ليه سبب الرفض
ام العروسة قالت بكل صراحة انه الاب رافض اخوي لانه اخوي بزمانه سرق ابوه وانه سمعته مو كويسة بين الناس وهذا ثاني مرة ينرفض
ورب البيت تحطمت عليه حرام سمعته بين الناس كذا وهو مظلووم ماسوا شي حرام عليه ابوي ليه قال عنه كذا الله يسامحه بس
ضايق صدري عليه بسبب هالسمعة والكلام لي انقال عنه والله من قهري دعيت على ابوي وهو ب قبره بس ندمت واستغفرت ربي