فضفضه💔؟؟

السلام عليكم
بنات موضوعي هذا يمكن تضحكون عليه ويمكن البعض يستهزيء بس ابي ردود بدون تجريح


المهم انا رومنسيه وعاطفيه وحساسه لابعد حد زوجي عكس
دايم انا احضنه واقوله كلام حلو وابادر بالتقبيل مو شرط ابي علاقه بس كذا انا احب هذي الاشياء واحسه تعبير عن الحب بس مدري ليش زوجي احسه يحسب اني ابي ذاك الشي ودي ادخل مخه واشوف وش يفكر فيه خخخخ
احيانا اذا مسكت يده وبقوله كلام حلو وجيت ببوسه ولا احضنه يبدا يغيررر
ويقول خلينا نسولف سولفي طيب انا ماابغى اسولف 🤦‍♂️💔
يااربييي والله ازعل واطنقر واكثر من مره صارحته
وقلت له احب الحضن والكلام الحلو والتقبيل
يقول ابشري وحاضر طيبب وبعدين ينسى كل اللي قلته 💔
هو ايام الملكه وايام الزواج الاولى كان هو اللي يبادر
وكاان كثير رومنسي مدري وش فيه تغير
ودي اتأقلم مع ذا الوضع بس والله مقدرت لاني احبه ☹❤
للمعلوميه لي حوالي ٥ سنين متزوجه وعندي اطفاال