فضلا من يحل موضوعي وموضوع الكثيرات مثلي

قصتي قصه عجيبه واحوالي غريبه صرت شاعره على غفله
المهم مالكم بالطويله انا معلمه بدون شغاله ناخذ من هالمتخلفات عن الانظمه وباسعار هائله وفتره تجلسها معك وتروح اجازه بدون عوده
يا اخوات الكثير يعاني كما عانيت واكثر
يا اخوات جاني واحده ماشاء الله عليها طيبه وشغل واخلاص وكل شي فيها زين جلست معاي اربع اشهر كل شهر واوديها اجازه وترجع واخرها اوديها هذا الاربعاء واتصل عليها الجمعه وترد اللي عندها قالت نايمه قلت طيب بامر الحين اخذها عندي الصبح مدرسه قالت هي نوم المهم ارجع ادق عليها ماترد وادق على جوال الريسه حقتهم وماترد فالنهايه قفلن الجوال الثنتين او تفتح بس ماترد وباقي لها عندي 1000 من راتبها
ياخواتي انجنيت واين اروح وفين الاقي شغاله الان وبكره السبت ماخليت وسيله الاسويتها جاني الضغط وربي من كثر التفكير مافي احد من اهلي جنبي وبناتي فالمدرسه وولدي فالروضه يطلعون بدري من يفتح لهم الباب همه لسه صغار .
وربي هذا حالي وحال الكثير من المعلمات اسعار الشغالات كلمالها تزيد اليوم اكلم واحده تقلي 1800 وعمولتي 300ووصلن لحد 2000 وغيابي بدون عذر من يوم السبت
يا خواتي وش الحل احد عنده حل غير اني اقدم حبشيه اسبوع وتهج والاتفقع مابقي من المراره
غياب المعلمات زايد والسبه هالشغالات والله ما ابالغ لو قلت انه يوصل الغياب فاليوم لحد عشر معلمات واحنا فالمدرسه 30 معلمه فقط ادري امانه وبس واين احط عيالي اضيعهم وارعى بنات الناس اقدم على اجازه والبنك يطلبني واحتياجات الحياه والغلا ء والبلا ء فالاسعار ترتفع الضعفين كل اسبوع
طولت عليكن وازعجتكن بموضوعي بس والله من الحره اللي بقلبي وهمي اللي ابات فيه اصبح به