فضيحة 😳

مساء الخير بنات..
انا كنت نزلت مؤخرا موضوع ب عنوان مقاش كارثي بيني وبيني زوجي
ونصحتوني اني اقفل على الموضوع وماأجيب سيرته..
وهالشي الي صار لما رجع زوجي حاولت ألطف الجو وتكلمنا عادي ف أمور البيت والاولاد..
وفي الصبح الامور عادية
خرج ل شغل مع صديقه ولما رجع لقاني جالسة وأمه معاي..
أم زوجي بيني وبينها احترااام كبيير ورسمية نوعا ما..
لكن نمون احيانا على بعض الحمد لله علاقتي فيها ممتازة..
المهم دخل وجهه متغير لما سالته أمه قال اتخانقت مع واحد بارا..
بعدين قال وكل هالشي بسبب هالمرة الي قدامك يقصدني انا😫
انا انفجعت اول مرة تخرج مشاكلنا قدام امه
طيلة 10 سنوات مشاكلنا نحلها بيني وبينه..
مشاكل عادية تقع ف معظم البيوت..
رغم انه عصبي جدا ويوصل معاه للضرب
بس بعدين يعتذر وهو صراحة طيب وحنوون جدا ولكن انفعالي وعصبي نظرا لظروف عاشها فالصغر..لهذا أسامحه واستر عليه
اكمل المشهد : بدأ يصرخ ويتكلم انا والله العظيم أول مرة احس الدم تجمد في عروقي..
وتكلم عن مشاكلنا من بداية الزواج الى يومنا هذا وذكر جميع عيوبي واني غيورة ودخل في تفاصيل انا والله نسيتها..
أم زوجي انصدمت كمان وانا انفجرت بالبكاء وبدأت ادافع عن نفسي واذكر عيوبه كمان وهو يسكتني ويصرررررخ وأم زوجي تقولي خلاص اسكتي خليه يهدأ..
المهم بهدلني وشرشحني وفضحني وكسرني وحطمني ومسح بكرامتي الارض..
خلاص انا سكت لان والله حياتنا مافيها مشاكل كبيرة
ولكن السبب الرئيسي انني قبل 10 اشهر كنت ولدت ومات المولود ودخلت في حالة اكتئاب شديدة وكنت بس ابكي وصرت غيورة وأدقق فالتفاصيل
هو وقف معاي للأمانة وقبل شهر جلسنا جلسة صفاء وقلت له بالحرف وقفت معاي وقفة رجل والحمد لله حالتي 99%تحسنت
بس من يوم ما شكرته واعترفت بجميله واي موقف او خلاف بسيط يقولي انتي بنفسك اعترفتي اني وقفت معاك🙁
مادري حسيت كان الاعتراف بالجميل شيء سيء..
حسيت كأنه كان يمثل والان بطل تمثيل..
كنت أضرب به المثل وأقول زوجي وقف معاي وهذا الزوج الي يحب بصدق وكنت معتبرته سندي ..
ولكن انصدمت وانخذلت وماعاد عندي ثقة في اي أحد غير الله تعالى
حتى البارح قالها وعايرني حتى بالاكل والسفر والمساعدة..
أقسم بالله ظليت يومين ماتنزل اللقمة ففمي بس الماء كلما ابغا اكل اتذكر معايرته لي
عقدني🙁
بس للامانه أم زوجي كانت تحاول ماأمكن تكون محايدة أحيانا تجي معه وأخيانا معي مدحتني ومدحت أهلي ولما كانت رايحة ضمتني ونصحتني أصبر واتجاوز عنه لانه عصبي
وكوني انتي صاحبة العقل وحافظي على بيتك وأولادك
هو حسيته ارتاح لما فرغ جميع طاقته السلبية .
اما أنا أصبحت جسد بدون روح..
10 سنوات ومافي أحد يعرف بمشاكلنا ويشوفونا أسعد الناس وماناقصنا اي شيء ..
حسيت كرامتي سقطت ولو أن أم زوجي طيبة لكن راح توصل الامور لأخوات زوجي....
المهم صارت فضيحة بالنسبة لي..
كلما اتذكر المشهد اموت ..
تعاملي معه عادي بس برسمية مادري احس انكسرت في داخلي.. ماعرفت كيف ارجع الامور لمجاريها ضعت والله
ماأدري كيف اشرح الشعور
كيف اتخطى هذه المرحلة ردو علي الله يجزاكم الجنة ويرزقكم من فضلي الدنيا والاخرة..