فـــن الإتكيت ... ويا قلبي لا تحزن

السلام عليكم ورحمة الله ,,

فن الاتكيت فن قديم عرف منذ آلاف السنين

ولو تتبعنا سنة النبي صلى الله عليه وسلم لوجدناها تزخر بفن الاتكيت

من خلال تعلم آداب الأكل والشرب وآداب الزيارة والاستئذان , وووو ....

نجي للموضوع ...

قدر الله وعشتي في مجتمع يفتقد لما يسمى في عصرنا الحاضر (فن الاتكيت)

وأكيد أغلبكم سبق ومروا بمواقف ... بسبب تجاهل البعض لهذا الفن .

طبعاً بالنسبة لي يا كثرها ........

* تواعدين أحد ويسحب عليك طبعا بدون اعتذار :D

* يزورك أحد بعد العصر ومايجي الا الساعة 9 .. :angry2:

* تجي وحده تزور وحده والده (نفاس) وتجلس عندهم من العصر لما الساعة 12 من الليل !!

وكأنها رايحه لمنتزة ولا الناس ما عندهم شغلة إلا يقابلون وجهك !!

ولا تجي ومعها مبزرتها ويطامرون هنا وهناك كنهم في ملاهي ...

وما يطلعون إلا وهم مشطبين على البيت !!

ترى الدعوة كلها زيارة مريض والمفروض ما تزيد عن الساعة .

* ولا اللي تجي بدون موعد !!

ما تدرين الا وهي طابه عليك فجأة ..

شكلهم عايشين في غابة ما يدرون إن الناس تطورت وصار عندها تلفون وجوالات و و و

وهذي بالذات صارت لي ...

الحرمه في مجلس الحريم ...وأنا آخر من يعلم !!

بسم الله ... من وين دخلتي ومتى جيتي ؟؟؟

تقول شفت باب البيت مفتوح ودخلت ... ما لقيت أحد يستقبلني !!

وشلون تبين أحد يستقبلك وأنتي ما استأذنتي ؟؟

* تعزمين أقاربك على حفلة وتعطينها بطاقة وش كبرها .. ومكتوب فيها :

* الدعــوة شخصية .... تجي ومعها بناتها وبنات بناتها وحريم عيالها :confused:

لو نبي بناتك وحريم عيالك نعرف نعطيهم بطاقة !!

* ممنوع اصطحاب الأطفال... تدخل وتجرجر مبزرتها معها :08:

وكأن الدعـــوة عنــاد !!!

xxxxxxxxxxxxxxxxxxx
لا ومن سعة الوجه تطمر وحده من هالمعزومات متشرهه ليش عازمه بنت فلانه وما عزمتي بنتي !!

ياختي عزيمتي وأنا حره أعزم اللي أبي واترك اللي ما أبي .. :06:

والله أنهم مجتمع غريب ...

هالأشكال يبيلهم منفى في جزر الواق واق يعيشون مثل ما يبون بدون اتكيت وبدون شيء اسمه عيب !!!


يالله كل وحده تشاركنا بمواقفها ... ونتعاون للقضاء على هذه الفئة .