فقدت طفلتي (اللهم لااعتراض)

السلام عليكم.....

الحمدلله في كل الأحوال....

قبل اسبوعين ولما كنت 22 اسبوع... نزلت المويه علي..ورحت للطوارئ .. صار الرحم مفتوح 3 سم

جلست تحت العناية لمدة اربع ايام...

بدى الطلق معاي في اليوم الرابع..وولدت ..

توفت بنتي بعد 22 دقيقة....الله يرحمها ويجعلها شفعية لي ولابوها..


هذه اول تجربه قاسية لي...عندي 3 اطفال الله يحفظهم..

راضيه باللي الله اكتبه لي..وكل شئ خيره في هالدنيا..

بس لابد من الحزن..لما قطعة منك تروح ، تحسين انها طلعت من قلبك.. وقلبك ماراح يرجع كامل بعد مانقص

الحمدلله ياااارب ..اللهم لااعتراض

بنات طالبه مساعدتكم..

انا ولدت طبعا ولادة كامله الطفلة نزلت بعد الطلق ونزلت بعدها المشيمه كامله..يعني لاتنظيف ولا شئ..

ولا فيه خياطه..

سألت الدكتورة كيف وضعي..وهل اعتبر نفسي نفاس اربعين يوم. والا اقل؟

قالت متى ماانتي تحسين انك جاهزة....

وانا من جد منحاسه.. ولاادري وش اللي مفروض احس فيه..

انا لي اسبوعين من الولادة..

الدم الله يكرمكم نزل علي بشكل دائم طول الاسبوع الاول..
الاسبوع هذا متقطع وتقريبا مافيه .. صار اكثر شئ كأنه افرازات بنيه فاتحه الله يكرمكم وساعات يوم كامل ماتنزل

علموني..هل اعتبر طهرت؟

هل الجماع مسموح والا انتظر بعد شهر؟؟

اللي مرت بتجربه مماثله لتجربتي .. الله يجزاها خير وتعلمني بتجربتها

تسلمون