عطر الزمن @aatr_alzmn

عضوة شرف في عالم حواء

((فكره غريبة)) منتشرةهي قديمةلكن انتشرت على نطاق واسع..دعوة للنقاش!!

الفكره هي :

ان البنت لما تتزوج تكون اكثر حرية من ناحية اللبس و العباية اكثر شي ...........

وبعض العادات مثل ..... انها تطلع لوحدها لكوفي او لسوق او لصديقاتها.........

يعني البنت قبل ما تتزوج

*ما تلبس بنطلون او كت او قصير ...

*و العبايه على الراس ولا تروح المستشفى او السوق إلا مع امها او احد معها

*وصديقاتها ما تروح ويكون بمتابعه الام وهي اصلا ما تكون مقتنعه بالشيء هذا لكن كلما تكلم امها تقول لها الام :

(((....اذا تزوجتي ساوي اللي تبين ......)))

المهم هي ودها تصير تلبس وتطلع زي اخواتها زوجات اخوانها لكن لين ما تتزوج يعني كل شي..يكون حلال عليها ...

وتشوف الوحده من اليوم الي تملكت فيه الا وهي متشققه من الفرحه من بكره على السوق الا وشاريه العبايه الملونه و البنطلون و القصير و الكت و كل الاشكال اللي بالسوق و باديه تلبسهم بالطلعات بالاسواق وعند الاقارب و عادي و من بعده رايحه للكوفي لوحدها و تروح السوق لوحدها و لا احد يفكر يسألها وين رايحه او من وين جايه!!!!!!!!!!

انا ارى ان يكون الامر في النص يعني لا تفريط و لا افراط

للاسف الصراحه انا اعرف بنات كثير نفس الفكرة

و هي منتشرة عندنا لنطاق قريب جدا

الصراحه انا استغرب هالفكره انه اذا تزوجتي سوي اللي تبينه ..طبعا انا ضدها

الرجاء المشاركه من الجنسين...

سؤال للعضوات:

سؤال للاعضاء :

في انتظار مشاركاتكم.............

يلزم عليك تسجيل الدخول أولًا لكتابة تعليق.

تسجيل دخول

mrs-hawaa • 16 سنة

انا للاسف شفت ثنتين من اعز صديقاتي
وحده كانت قمه في الاحترام لبسها ولما تزوجت للاسف غير لبسها الفاضح لبست عبايه كتف الغريبه اهلها ماكانو شديدين بس ماادري وش سالفتها
والثانيه تركت الاغاني يوم كانت محتاجه للزواج ولما تزوجت رجعت للاغاني الله لايبلانا
(الحمد لله الذي عافنا مما ابتلاهم به وفضلنا على كثير ممن خلق تفضيلا)

REEMA 26 • 16 سنة

انا عني ان شاء الله ما اتغير عباتي فوق راسي ولاهي ملونه..ولبسي محتشم والحمدالله ولو انه فيه بعض القصور احيانا.

بس يا اختي الأمهات الله يهديهم مو باللبس فقط او العبايه تقول لبنتها اذا تزوجتي..حتى بالأشياء المتعلقه بالبيت..

يعني مثلا مرة كنت بقول لأمي يمه بغير طريقة الكنب وهالكلام قالت لي لا...جلست احاول فيهاااا ورفضت..انا اصريت بمحاولتي وردت علي قالت ان اعرستي سوي اللي تبينه في بيتس!!<< اهي اهي((فديت عيونتس يايمه جرحتيني))خخخخ

ومثلا اعرف ناس امهاااتهم ما يخلونهم يلبسون بلايز مفصخة وبناطيل..واذا حاولو ترد الأم..اذا اعرستي البسي اللي تبينه..ومن هالكلام!!

والقهر اذا صارت البنت في بيت اهلها مافي احسن منها في لبسها وكلامها ونظراتها وبس سس تعرسسسسسسس استغفر الله انواع التغييييير يصيبهااااا..في كل شي..في لبسهاااا وفي طريقة كلامهااااا وفي نظراااتها<<<كنه احد قايلن لهااا المتزوجه مب حراام تسوي كذا!! والبنت حراااام!!((واخذوا هالفكرة بروسهن وصدقوها))

الله يهديهن ويهدينا الى العمل الصااااااااااالح يارب..

شاكرة اختي عطرهالموضوع..وجزاك الله خير..

Seatbelt • 16 سنة

اغير عباتي لا ان شاء الله
الله يثبتني
لكن ابصير اطلع السوق لحالي
وازور صديقاتي لحالي مع اني ازورهم الحين وانا مو متزوجه لحالي
عادي

موزة بيضاء • 16 سنة

اختي

فعلاااا هذاا ملاحظ للاسف

بس والله هذاا اللي لالالاحظته

وحدهااعرفهاتزوجت ملتزم وهي محافظه اماشاء الله وصاارت محافظه اكثررر

والثانيه تغيرت في ملبسها اللي تحت العباايه بس عباايتها زي ماااهي

ولمااا سالتهااا غريبه عليكي وش ذا اللبس ليه تغيرتي ضحككت وقالت خلاص تزوجت

عطر الزمن • 16 سنة

mrs-hawaa :

انا للاسف شفت ثنتين من اعز صديقاتي وحده كانت قمه في الاحترام لبسها ولما تزوجت للاسف غير لبسها الفاضح لبست عبايه كتف الغريبه اهلها ماكانو شديدين بس ماادري وش سالفتها والثانيه تركت الاغاني يوم كانت محتاجه للزواج ولما تزوجت رجعت للاغاني الله لايبلانا (الحمد لله الذي عافنا مما ابتلاهم به وفضلنا على كثير ممن خلق تفضيلا)

انا للاسف شفت ثنتين من اعز صديقاتي وحده كانت قمه في الاحترام لبسها ولما تزوجت للاسف غير لبسها...

الله يهديها ويهدي بناااااااات المسلمين ...........

اشكركعلىالمشااااااااركة