فلنتبادل الخبرات بأدوية النفاس!!

عزيزتي انا ما اخذت من نظام فيافي الا الممنوعات والباقي حسب ماذكرت في موضوعي
كيف يكون اهتماميك بنفسيك في الولاده والنفاس .

للاسف ما عندي خبره ترى اول حمل عندي .. بنستفيد منكم ان شاء الله
مشكووره يالغاليه

مشكورين على الرد
بس انابنفاسي
خرابييييييييييط صرت زفففففففففت
ومع اني بكر المفروض اهتم بس؟؟؟؟؟؟؟؟؟؟؟؟؟؟؟؟؟؟
يلله بنات نبي خبراتكم يلله ساعدونا :39:

السلام عليكم
************
كيف الحال ؟؟
حبيت أفيد بنظام مبسط ومفيد جدابس جهزي قبل الولاده و النفاس بكم يوم................
وادعولي إن الله يسهل ولادتي ويصلح لي عيالي من بنات وأولاد ويسخر لي أبو العيال ويسخرني له...............
*************************
1- حلبه مجروشه مو مطحونه ولا كامله بس مجرد طحن بسيط ( جرش يسمونه) تاخذين ملعقه صغيره مملؤه الصباح وملعقه بالليل.......وتشربين عليهم مويه أو حليب دافي براحتك....20 يوم
***************
2- الفطور أعجني دقيق بر مع شويه أبيض وحطي عليه (ملح ناعم وفلفل أسود مطحون مجهز بعلبه زجاجيه للأستعمال لجميع الحاجات مثل الحليب الدافي والمطازيز والفطور وحبه سودا مطحونه (نفس استعمالات الحليب) ) وخلي العجينه نوعا ما ثقيله وسوي أقراص بمقلاة تيفال وكليهم مع حليب مغلي بسكر وفلفل أسود مطحون وحبه سودا مطحونه..........
****************
3 - أغلي مويه وأضيفي في بريق خاص لشاي الأعشاب( ميراميه، نعناع مجفف، بابونج، دارسين مدقوق، يانسون، حلوه) مع سكر وأغليه شوي وعبيه في ترمس خاص برضه لشاي الأعشاب وأشربي منه كل ما فضيتي طول اليوم.........مره مفيد ......طول النفاس..
****************
4 - أعملي بعد قهوه عربيه وخصصي فنجان قهوه كبير شوي وحطي فيه مره وعنزروت وأشربي عليه قهوه طول اليوم مع إضافة المحلب المطحون كل شوي للفنجان مره يغسل الأرحام من كل اللي فيها ................
****************
5 - الظهر سوي مطازيز ولا تنسين تضيفين بالنهايه فلفل أسود وحبه سودامع اللحم طبعا..
****************
6 - لاتنسين الغسول وهالمره راح أجربه شخصيا لأني كنت أستخدم المويه الدافيه والملح الخشن بس، لكن هالمره اشتريت جيك صغير للأرطا المغلي مع الملح الخشن وراح أنقع معاه بعد الغلي مرّه وكل ما رحتي الحمام الله يكرمكم خذي بوعاء صغير شوي من الجيك وتشطفي يقولون يساعد على التئام الجرح يعني يدبغ..........
***************
7 - العشا سوي أقراص زي الفطور أو مطازيز أو مرقوق أهم شي حاجه دافيه ولا تخلى معدتك من الأكل لأنه مو زين للنفاس ..........كولي فواكه مثل التفاح والبرتقال بس لا يكون حامض ........ابعدي عن الحوامض والموز والأكل اللزج مثل الباميا ...........
***************
8 - عند العطار تحاميل خاصه للنفاس تستخدم من اليوم ال25 حتى ال40 يوم ورا يوم ( يعني مو كل يوم يوم إيه ويوم لا) 7 تحاميل اسمها جليتا للتخلص من الدم الفاسد وكل ما في الرحم من بقايا....................
****************
8 - الرشاد خذي منه ملعقه صغيره جدا الصباح وملعقه صغيره جدا في الليل في ال15 يوم الأخيره من النفاس.................
****************
9 - لا تنسين الكبو وناسيه بإيش يكبون بس اللي أذكره قشور بصل جافه و كسرة مره وتنامين مباشرة بعد الكبو حتى ما تعرضين للهوا............
إن شا الله الكل يستفيد لو بالقليل من اللي ذكرته.............

السلام عليكم

الله يتمم لكم بخير

حتى انا شايلة هم الولادة مع اني لسا بالشهر الاول (( دلع ))

مع انو ثاني مولود لي :D


ملح الحياة الله يعطيكي الف عافية >>>> ملقوفة ... طبا انا مو انتي


بد بضيف كم شي انو النفاس تبتعد ن اي شي بارد وتوض عن شرب المويا بالعصير او الشاهي او القهوة

المهم ماتشرب بارد ابد لانو ينفخ البطن

وبعد ربط البطن بحزام طبي عن نفسي استخدمت شماغ الين من الحزام وعملي جدا

وابي اضيف معلومة الي يعانون من الامساك خلال الحمل اكرمكم الله اشربي كاس شاي دافي على الريق

وشوفي كيف بتودعي الامساك لاني بجد رغم اني ماكملت شهر بس عانيت منو الي درجة سرت اخذ مثبتات


بس الله يعافيكم اذا وحدة تعرف علاج للغثيان تعلمني وربي انو مجنني اكل او ماكل دايم غثيانة

وماني من النوع الي يرجع عشان ارتاح لا اضل طول اليوم غثيانة
اذا ممكن الي عندها الحل ترسلي علي الخاص

تراني بس انطنط بالمنتدا من مكان لمكان ماني راسية على ركن معين :D ومشكورررررررررررررين