فلوسي وزوجي ؟!؟

السلام عليكم

بنات عندي شئ مضيق صدري

زوجي راتبه على قدنا الحمد لله امورنا نمشيها تمام التمام لكن ...

زوجي عارف ان عندي اسهم وتجيني ارباح كل بعد فتره .. اللي يقهرني كل مانزلت الارباح حط عينه عليها وياليت هو محتاج

ياخذها ويشتري لاخواته خرابيط والا يعزم ربعه وانا اطلبه نغير بعض الاثاث يقولي غيري على حسابك انا طفران

اقوله انا طفرانه زيك يقول لا انتي وراك خير يقهرررررني هالاسلوب هذا وحنا لسا متزوجين يسوى كذا

والله ثم والله طول فتره الملكه وبعد الزواج ماجاب لي ولاهديه دايما في باله انا طفران اهلي طفرانين

اول مايصير بيده فلوس يفكر بالوناسه والا يشتري جوال والا يشترك في نادي شايل يده من الالتزام فيني

انا ما انكر انه طيب وحنون لكن انا بعد طيبه وحنونه وصابره على اشياء

السالفه اللي زعلنا عليها انا جاني ارباح قبل يومين 3000 قلت حلو ادبر امور رمضان والعيد يوم قلت له قال عطيني اياها بشترك بنادي لمده سنه

انا انصدمت يعني ماعرفت وش ارد حسيت انه تمادى شوى وانا عطيته وجه مسويه اساعده بالبيت لين اعتمد علي يحسبني اصرف من بنك

قلت له اوك من عيوني وانا من جوا شابه نااار كل امس افكرر وافكرر والقهر انه يوم درى اني بعطيه راح يسوى كريم مع زملائه ويعزمهم في مطعم لان بيتنا مايساعد

مو اي مطعم كلفه الظاهر حول الخمسميه العشاء انا والله عجزت انام من المغثه وقلت لازم احط حد واخليه يشعر بالمسووليه

جيت اليوم قلت له امي طلبت مني الفلوس وهي اولى من غيرها تفاجى وتضايق وقال تمنين علي قلت ما أمن بس امي طلبتها مستحيل اقولها لا

وانا في الحقيقه قلت لامي امسكيها عندك لين احتاجها

هو عصب ومزاجه قلب وقال انا الحين طفران يعني لازم اتسلف

قلت له حكايه النادي شيلها من راسك لين تستقر امورك قال لا انا مواعد العيال ومدري ايش وانا سكت وماعلقت

قالي بعدها تشوفين لو عمري طلبت منك شى وطلع


وش رايكم بنات موقفي صح او لا


مع العلم انه يرفض فكره التوفير يقولي مستحيل انا احرم نفسي من اي شئ اللي ابغاه راح اجيبه وانا بس ابغاه يحس انه مسؤؤل عني وعنه

يمكن الغلط مني في البدايه بس ماظنيت انه راح يتمادى

انتظر ارائكم بنات بدون تجريح




ملاحظه ,, اللي ارسلوا لي بالخاص ما اقدر ارد عليهم مشاركاتي ماتسمح