فهموني ايش الخصوصيه بحياتي العائليه؟؟!!

مايصلح تكون حياتك كتاب مفتوح سواء لامك او اخواتك
ومهما كانت شخصية الام او الاخوات

فيه اشايء خاصة مثل تعامل زوجك او اخلاق اولادك المفروض ماتكون مادة للحديث بينك وبين اهلك
لان بعدين اذا صفة شينه اما انهم يكرهون زوجك وعيالك او يحتقرونهم
وبكرة اذا كبرت بنتك ماحد خاطبها من قرايبها لانه معروفه كل طبايعها واخلاقها وصفاتها سواء زينه او شينه


زين الواحد يكون عنده حدود في كل شي
واهم شي حياتك مع زوجك واطفالك

أكيد الخصوصية مهمة جداً في حياة أي شخص
وبالنسبة لأمك وأخواتك أكيد عادي تسولفين معهم بأي شئ بدون حواجز وخصوصيات
لكن في حدود مهما كان ما نتجاوزها
مثل الأمور الخاصة بين زوجين لأنها قبل كل شئ حرام وكلنا نعرف الحديث
والأمور اللي ما فيه فايده انك تتكلمين فيها او تعلمين احد بها
مثل موضوع بنتك يعني ممكن تقولين لأحد راح يفيدك بحل يعني تقولينه له كإستشارة
وانما فقط للحديث وهالشخص بيكون مجرد مستمع ماراح يفيدك بشئ فلا والله ما انصح
لأن حتى البنت لو حست او سمعت كلامك يتأكد عندها الشعور بالخوف ولاتحسبين الأطفال ما يفهمون
غير ان ممكن احد بعدين يعاملها من هالمنظور انها خوافه وكذا وراح تتأثر نظرتها لنفسها
يعني بإختصار كلام فيه فايده تقولينه وما فيه ضرر قوليه
شئ بتقولينه وما ترجين فايده من اخراجه لا تقولينه
وانا اشوف عادي اسولف عن اي شئ سواء مع اهلي او مع الناس طالما ان كلامي هذا ما له مردود سلبي
سواء على نفسي او اهلي او حياتي بشكل عام
وحتى الأم مو كل شئ نقول لها من البر بها ان ماتفضفضين لها بمشاكلك لأنك راح تتعبين قلبها وتحزن عليك وغالباً ما بيدها شئ
مدري هذي نظرتي لمفهوم الخصوصية

فعلا صادقه الحرمه مو كل شيء المفروض تقولينه فيه اشياء واسرار المفروض تكتمين عليها او تقولينها لامك بس ع حسب شخصيتها مثل ماقالت *سوكره2* اذا كانت شخصيتها قويه وكتومه ومثقفه ممكن تقولين لها ببس اذا من النوع اللي تحب تسولف ع الناس بكل شيء عفويه يعني لا .. والله يوفقك ان شاءالله

طيب الخرجات والسفر انا بعيده عن اهلي يعني ما يعرفون مرات بس اقول لهم ....الحرمه قالت ماله داعي تعلمين علي خرجاتك للمطاعم والسوق والمنتزهات والسفر مادام ما اعرفوا من نفسهم ....يمكن من خواتك او من عايلتك عندهم نقص مادي او ازواجهم متشددين ممكن يصيبونك بعين وحسد والعين حق وذكرها الرسول صلي الله عليه وسلم

....