فهموني معنى التوكل على الله مع ظروفي،،

كيف اتفائل بالزواج واحسن الظن بالله بأنه بيرزقني بزوج اعزب
وانا في الثلاثين من عمري
و في البيت 24 ساعه ماطلع
وغير موظفه
ولي مواصفات تعجبني في الرجل من ناحية التعليم والمال وبداخلي استحقر نفسي وين يحصل هالشخص وانتي بحياتك كلها ماقد خطبني واحد جامعي او له وظيفه مرموقه
او من اسرة محترمه وراقيه
دايم خطابي وانا صغيره صح شباب وعزاب لكن معهم شهاده اقل مني ومو موظف
ميزتهم الوسامه فقط
لا دين ولا اخلاق والرفض دايم من اهلي مايعجبهم خطابي
لدرجة كبر طموحي وصرت ابي زي المواصفات اللي هم يبونها
بيني وبين نفسي اقول ابي الستر فقط وراضيه بالقليل
لما اشوف شخص وسيم او عايله اتمنى اتزوج منهم
او مواصفات شخص حلوه اتمناها اقول لا يابنت خلاص راحت عليك
هذاك اول احلامك وامنيات الحين اهم شي ماعنده زوجه ولا شايب ويخب عليك
لو احد يقول غمضي واحلمي بالحياه الزوجيه تصدقون ماقدر قلبي ينكمش انفر
بس يصير اتخيل اني اتزوج وربي يستر علي ماعاد عندي احلام وفستان وسفر وحب وحياه زوجيه وعيال واستقرار لا صار شي ماعرف كيف اشرحه لكم
لان احس ماعاد احد يبيني ولاني واقعييييييييييه لازم شي محسوس قدامي وامشي خطوات له
ولان كل مره يتفركش الموضوع ماعاد احلم زي اول واتخيل
يصير يدي على قلبي واتفشل عند اهلي واخواني
وماحصل لي بالسنين الاخير احد
الناس تخطبني وتختفي
او تتفركش
او مو مناسب
او اوً
المهم ابي افتح صفحة جديده تعبت من الاحباط واليأس
تعبت من اهمال نفسي لان المشايخ تقول معي حسد و سحر تعطيل رزق
وانا نفسي تنفر من الرقيه وبداخلي صوت دايم يقول ترى سويتي كذا وكذا ومافاد
وش اكثر من بكاك ودعاك بالملتزم عند باب الكعبه ولا اي دعوه تحققت من سنه
ترى ربي لو يبي يستجيب لك في لمحة بصر
كيف اتوكل على الله من جديد وانا مافي الدنيا طعم

حزن وهموم اتعبتني لي سنيييييين عاطله
ومشاعري متجمده
وضغوطات
واهمال ووحيدددده
واكتئاب مسيطر علي

بديت لي يومين بركعتين في الليل
واستغفر الله احس اني من اللي يعبدون الله على حرف )
كيف اغير هالشيء فيني
اعترف بذنبي
وماعترفت الا محتاجه لنصيحه
ولان اخاف ربي معاقبني

ابي اعرف معنى التوكل الحقيقي على الله
لاني اعزم النيه واتوكل وادعي واتفائل ومايحصل لي اي تغيير ولا حتى بسيط
ولان اتفاجئ العكس افرح ومايتم

ماعرف كيف اشرح لكم احس ربي مايسمع دعائي ومايستجيب لي
او اني ماحسنت الظن بالله
مشكلتي ابي اشوف نقطة أمل وانطلق واتشجع
لان ظروفي ماتهيأ وماتساعد ونفسيتي حزينه ابي افرح لو شي بسييييط

كيف ارضى وانا اشوف اجمل سنين عمري تروح من غير فايده
خوف التفكير بالعمر اتعبني جدا جدا جدا

ولان اقاربي تزوجوا واعمارهم بالاربعينات ومعددين
وهالموضوع مأثر فيني وان حالي حالهم


وحالياً كل معارفي واقارب ىصديقات متزوجات الا انا
احس منبوذه بينهم بس انا
اكبر او كبري او اصغر متزوجات
وانا والله من فضل ربي شكلي حلوه
مافيني عيب واضح


المهم انصحوني بمواقع كتب مشايخ اي شي
عن التوكل على الله وكيف يكون
يارب عسى من ساعدتني وفهمتني ان الله يفرج عليها همها
ويحقق امنياتها ويسعد قلبها بفرحه تنتظرها