فوائــــــــــد الثــــرثرة.

لقيت فائده ثانيه بحطها للفكاهه وللخروج عن جو المنتدى الممل

ورجاء لحد يفهم غلط ويزعل >لاتجي وحده تفهم الكلام عليها



ـــــــــــــــــــــــــــــــــــــــــــــــــــــــــــــ

للقافه تعريفها وانواعها واثارها

--------------------------------------------------------------------------------



اللقافة .. دراسة محكمة... شارك بالرأي

اللقافة : تعني في علم النفس (حب الاستطلاع) واللقافة سلوك غريزي يزيد وترتفع الانزيمات المؤثرة فيه كلما زاد فراغ الإنسان وخاصة ( العقلي ) أقصد بذلك أن العقل خال من المعرفة والعلم النافع ....
فتزداد نسبة اللقافة عند الجهال أكثر من المثقفين .... غالبا .... ويؤثر الفراغ بشكل إيجابي في ارتفاع معدل اللقافة ....


واللقافة على درجات :
يبلغ المرء أعلاها وتسمى هذه الدرجة ( الشفاحة ) ، وتختلف درجة اللقافة بحسب اهتمامك بما لدى الغير ، فمثلا لو ( شفت جاركم واقف بجوار بيتهم سيارة جديدة وهو طفران ) لهمك أمره ، لمن تكون هذه السيارة ؟

ولكن هذا الاهتمام يخف لو لم تعرف ساكن البيت وحالته المادية .
وترتفع درجة اللقافة في القرى عنها في المدن ، إذا أن نظرية التناسب الطردي تنطبق هنا ، فكلما أوغل الإنسان في الجهل .. .. وصارت هالدمجة ( تخرفش ) ولم تستعمل إطلاقا فيما يفيد ، فهذا مؤشر إيجابي لارتفاع درجة اللقافة .
= = =


فوائد اللقافة :
1 ـ مصدر معلوماتي ( خطير ) جدا يؤمن لك المعلومة بأيسر السبل ، ومن اللقافة تطورت وسائل نقل المعلومات العلمية ووكالات الأنباء ، وما مراسلو وكالات الأنباء إلا ملاقيف ( لهم رواتب على عملهم )

2 ـ تشعر بسعادة غامرة ونشوة فرح كبرى تسيطر على مشاعرك .... حينما تحصل على معلومات دقيقة عن أشياء خاصة لغيرك .

3 ـ الشعور بالعظمة والكبرياء وإشباع غرور النفس ، وذلك حينما تعرف بأسرار الناس ، فتشعر بأن كل مالديهم أنت على معرفة به .

4 ـ حينما تعرف اسم الشخص صاحب اليوزر معك في المنتدى ، تصبح تتلاعب بمشاعره ( وتذب عليه ... )

6 ـ قليل من يسلك هذا المسلك ( وذلك بأن تشكر الله على النعمة
اللي أنت فيها ) حينما تعرف احوال الآخرين .

<<<<<< كثر منها .

أضرار اللقافة :
1 ـ لو لم يكن فيها من الأضرار إلا أنها غيبة وحديث في أعراض الناس في غيبتهم لكفى .

2 ـ قال صلى الله عليه وسلم من حسن إسلام المرء تركه مالا يعنيه ...

3 ـ تنحرق أعصاب الملقوف وخاصة المشافيح فيما إذا لم يتيسر لهم الحصول على المعلومة بأبسط الطرق .

4 ـ اللقافة أخطر من التدخين ! ! !! حيث أن الملقوف حينما يروي ما رأى فلابد أن يزيد أو يفسر على ما يشتهي ، وربما سبب عداوات لغيره من حيث لايشعر .

5 ـ اللقافة النسائية من أشد أنواع ( اللقافة فتكا ) لذا كم من بيوت دمرت بسبب اللقافة .....

6 ـ قد تنهي اللقافة حياة صاحبها ... فمثلا لو شاهد الإنسان حادثا في المسار الآخر من الدائري... ( ودق فرامل ) ونزل من سيارته بيتفرج ..ولا يناظر طريقه .. يمكن يصدم .... وكثير ما حصل ...

7 ـ اللقافة قد تتسبب في خسائر مادية ... اذا شريت أي جهاز ولا تعرف تستخدمه .. وقمت تعبث فيه .... وخرب فهذي من ثمار اللقافة .

8 ـ كما أن كثرة القيل و القال تستلزم من الشخص أن يستحضر معلومات كثيرة لكي ( يلوكها ) عند أصدقائه مما يلزم منه السؤال والاستفسار و البحث عن المعلومة مهما كلفه الثمن .

نماذج من اللقافة :
في بداية التسعينات وبعد انقطاع ( سيارات الفورد) حلت عوضا عنها سيارات ( جي أم سي) الونيتات أقصد وصارت تشيل الخضار من المزارع وتوصلها للرياض . وخاصة الجح ...
وكان فيه ناس يشيلون ( جح) من مزارع متعددة وكان واحد من غير أهل الديرة معه (جمس 72 ) أعتقد ، أبيض. ويعرفونه بعض الشباب اللي يشيلون جح .... المهم فيه ناس فاضين مالهم شغل إلا ( الحش) في خلق الله ، مر من عندهم الجمس .. ( وقزوه ) مضبوط... وعرفوا موديله ، ورقم لوحته، ونوع الكفرات ، ولون المرتبة ووووووو ... واختلفوا : عند نقطة ذات أهمية كبرى عند خبراء السواليف ..
وهي هل الموتر موظب وإلا لا ! ! ! ! ! !
وتراهنوا من على ذبيحة ...... ويوم جاء باكر قعدوا يحترون الرجال عن محطة البنزين ... ووقفوه .. وسألوه بكل ( سعة وجه ) موترك موظب وإلا لا ................
= = =


ياترى مالفائدة المرجوة من هذه الحادثة ؟ ولماذا تفرغت عقول الناس لتقصي أمور هم في غنى عنها ؟
وماذا سيقول راعي السيارة عنهم ؟
أليست لقافة ( XXXXXL ) .........
= = = =

لقافة على خفيف :

1 ـ الواحد اذا جلس في سيارتة عند باب قصر أفراح يحتري زوجته وإلا أمه ، وطلعت حرمه قلها ... ما تلاحظ أنه بيقزها ويتابعها إلين تركب في السيارة ....... لية ...... لقافه ,

2 ـ اذا طلعت عند بابكم وجارك فاتح الشنطة وينزل منها مقاضي تلقاك لاشعوريا ... تمد رقبك وتصر عيونك .. ودك تعرف وش في هالأكياس ...... ايضا لقافه ...

3 ـ دق الجوال على زميلك وكلم وبدا يضحك ... وانتهت المكالمة وأنت ماعرفت ( اللي يكلم ) تنحرق ودك تعرفه ......

4 ـ واحد من الشباب دخل الاستراحة ... وسلم وقال لواحد من الربع : ترى الرجال يسلم عليك .... وأنت ماعرفته ... تحمق ودك تعرف من هو ؟ لقافة بس .

= = =

ياترى لماذا لانتخلص من هذا السلوك ؟

ألا نعلم أن القافة ماهي إلا حديث عن الناس ! ! ! ! بصورة حقيقية أو خيالية
وياترى هل نحن ملزمون بمعرفة كل دقائق الناس ؟
ألا نؤمن بأن هناك شيء اسمه الخصوصية .
أحبتي :
تخلصوا من هذه العادة السيئة ..... ودعوا الخلق للخالق .

امثله من اللقافه:
المثال الاول

واحد من عيال عمي فيه هالحاله

مر بجنب محل وكان فيه لوحه مقلوبه ماقدر يقراها نزل من السياره وعدلها عشان يقراها
يوم قراها لقى فيها ترقبوا المفاجأه

دور رقم فيها مالقى الا رقم الخطاط اتصل فيه وقاله عطني جوال صاحب المحل

اخذ جواله واتصل عليه

ولد عمي
الو مرحبا

الرجال
هلا

ولد عمي
ممكن سؤال بس ترى فيه فضول شوي

الرجال
تفضل ياغالي


ولد عمي
وش المفاجأه اللي محضرينها باالمحل ؟

الرجال
لو قلت لك ماصارت مفاجأه

ولد عمي
كبرت براسه وقال معاك المباحث العامه


الرجال
طيب ياطويل العمر المفاجأه عباره عن لاعب كوره بيفتتح المحل

المثال الثاني

يقولون فيه واحد شاف الناس متجمعين عند حادث ووقف وبسرعه يبي يشوف وش السالفه بس ماقدر يدخل من كثر الزحمة .. حاول أكثر من مره لكن مازبطت معه الناس واجد وماقدر يشوف .. الرجال قام يصيح بأعلى صوته ويبكي ويقول وخروا وخروا المصدوم أخوي !! الناس اللي حاضرين أبعدوا عنه وهم يضحكون يوم وصل للمصدوم لقاه ****



= = =
اترك للاعضاء المشاركة بالرأي في هذا الموضوع الحيوي الذي لايكاد يخلو سلوك أي منا منه .... وأملي في إثراء الموضوع بمواقف من اللقافة العجيبة ..

ولكم تحياتي

يعطيك العافيه كاتم جميل💐


لااله الاانت سبحانك اني كنت من الظالمين

كلام*


لااله الاانت سبحانك اني كنت من الظالمين

لا إله إلا أنت سبحانك إني كنت من الظالمين.