فوبيا المظلومية ( و تقمص دور الضحية )

السلام عليكم و رحمه الله و بركاته
صباحكم/مساكم خيرررر 💓
بليز مابي مدرعمات و مايهمني الردودبس شي بالخاطر و بكتبه
كلامي مو عن اللي تتكلم عن ظرف حقيقي و الكل يتمنى مايعيش مكانها لانها صادقه بحروفها و هذي مالي الا ادعي لها ربي يفرج همها و يعينها و يحقق لها اللي تتمنى


كلامي عن الفئه الثانية اللي تدور موضوع من الهوا . ترى مو اجباري تكتبين موضوع بالقسم عشان تبين تستفزين الاخوات ولا عشان تشوفين رده فعلهم فيه مواضيع مالها سنع صراحة يا اما تحط الناس يغارون منها ولا تكتب مجروحة لان صديقتي تغيرت ولا مجروحة من اهل زوجي ؟ يعني كل الناس سيئين وانتي الكويسه حسستونا اهل الزوج من عالم فضائي ، الله يسخرهم لنا و لكم بس ترى مو كل شخص صار ضدك بموقف ولا عاكس رايك صار عدىك اللدود ، ولا اللي ضايق صدرها عشان صاحبتها ماترد ولا فلانه ما عزمتها 😕


ربّي ميز الانسان بالعقل و عطاه الكرامة اي شخص مو حريص عليك ولا يلحقك اثم اذا بادلتيه الشعور تعلمي تعطينه ( بلوك ) من حياتك ، مو تقولين ارسلت لهم و عزمتهم و مدري وشو و اخرتها مايبادلوني خلاص من شفتي احد ارخصك لا تركضين وراه ( طبعاً قصدي الشخص اللي مابينكم شي لا صله رحم ولا شي ) مو الاهل و الزوج فيه اشياء تشفع لاشياء امّا البعيد اذا مل منك فالاسلوب واضح ليش تحبون تزعلون اعماركم عشان ناس مو مستاهله




يالله اعتبروها نصيحة ولا فضفضه ولا اللي تعتبرونه بدون غلط الله يرضى عليكم .




سبحانك اللهم و بحمدك اشهد ان لا اله الا انت استغفرك و اتوب اليك