فيتامين د ضروري

عواطف تركي . :

وعليكم السلام خلال 6 شهور نعم ممكن ينقص اذا ماغيرتي نظام تغذيتك ولا تعرضتي للشمس بشكل كافي جسمك راح يستنفذ المخزون بالتدريج واعراض نقصه كثير لكن اهمها اوجاع بالعظام والمفاصل والظهر وضعف العضلات وخمول وتعب من اقل مجهود ومزاج ونفسيه منخفضه ولخبطة وارق بالنوم وعدم تركيز وتساقط شعر ودوخه وطبعاً الاعراض تظهر حسب شدة نقص فيتامين د وطالما مرت عليك 6 شهور تقدرين تاخذين فيتامين د من الصيدليه وتستخدمينه كوقايه بجرعات مخففه خذي شراب فيدروب 4 علب واحفظيها بالثلاجه اول اسبوعين حددي يوم من كل اسبوع تاخذين فيه قاروره كامله بعد وجبة الغداء مباشره وثالث ورابع اسبوع حددي يوم من كل اسبوع تاخذين فيه نصف القاروره بعد وجبة الغداء مباشره وبعد ماتكملين اسبوع من اخر جرعه تبقى عندك قاروره وحده استخدميها يومياً بعد وجبة الغداء مقدار 1 ملي اللي هو اخر خط بالقطاره اللي تجي معاه واستمري الى ان تخلص القاروره لكن احب انبهك ان امتصاص فيتامين دال يحتاج دهون عشان كذا لازم وجبة الغداء تكون فيها دهون صحيه مثل زيت الزيتون خذي ملعقه زيت زيتون مع السلطه او المقبلات او لحالها عشان تضمنين ان جسمك يمتصه ومايخرج للحمام الله يكرمك والشي الثاني لازم تاخذين كفايتك من المغنيسيوم والبوتاسيوم عشان يقدر الجسم يمتص فيتامين دال بشكل سليم ويستفيد منه عشان كذا يفضل انك الصباح تحطين بالخلاط ورقيات خضراء غامقه نوعين او ثلاثه بحجم قبضة اليد مليانه من كل نوع مثل سبانخ جرجير بقدونس كرفس كزبره مع عصير ليمونه ونص كاس ماء بارد وممكن تضيفين خياره صغيره واعصريهم واشربيه مباشره قبل لا يتأكسد وانتظري على الاقل نص ساعه جسمك يمتصه ويستفيد منه ثم افطري وحاولي لا تشربين كافيين لا قبله ولا بعده بساعتين هذا العصير بيعطي جسمك كميه كويسه من الفيتامينات والمعادن اشربيه اسبوعياً بنفس اليوم اللي بتاخذين فيه فيتامين دال ولما يجي وقت الغداء يفضل انك تبدأين اول شي بمنقوع التين المجفف عدد ثمرتين اشربي المنقوع وكلي التين ثم كلي بعدها سلطه خضراء مع زيت زيتون ثم كلي الغداء وبعده مباشره خذي فيتامين دال وركزي على اكل التونه والسلمون والبيض ولا تهملين الورقيات الخضراء والخضار عشان جسمك يتعافى وبإذن الله بتلاحظين التحسن

وعليكم السلام خلال 6 شهور نعم ممكن ينقص اذا ماغيرتي نظام تغذيتك ولا تعرضتي للشمس بشكل كافي جسمك...