فيدوني فرج الله همومكم ويسر اموركم

حبيبتي مهم كثير تنظفين بشرتك قبل المكياج
فيها تنوكات وكريمات تمنع افراز الدهون لفترات معينة فية من ماركة كلينك ووماركات ثانية
وكمان استخدمي مكياج خاص للبشرة الدهنية وانشالله تنفعك

حبيبتي اول شي لازم تنظفين وجهج بغسول او صابون خاص بالبشره الدهنيه جربي لانكوم وايد يمدحونه او بيو ديرما من اي صيدليه وبعدين عندج كذا نوع من الماركات تناسب البشره الدهنيه لانكوم او ماك او غيرلان

فيه عند كريولان بودره مائيه زي سمر كيك وعند كانيبو كمان والبنات يمدحونها

انا اخس منك دهنيه مره بس ابغى افضل ماركه ظل واضحه وتبان ارجوكم

السلام عليكم ورحمة الله وبركاته



اول شي عزيزتي .. قبل لا تختارين الاساس و المكياج .. لازم تختارين مجموعه عنايه بالبشره تتناسب مع بشرتك الدهنيه ..

ضرووري تاخذين غسول للوجه للبشره الدهنيه << علشان يكون قووي شوي على الدهون والافرازت .. و له قدره على التنظيف العميق ..

و تستخدمين التونك << عشان يسكر المسامات

و اخيرا وليس اخراً .. كريم مرطب ( لا تقولين انا بشرتي دهنيه ما احتاج ) لا تحتاجين .. لان اذا كان سطح البشره مترطب .. راح يقل افراز الدهون .. غير عن ليما يكون سطح البشره جاااافه فتفرز البشره بدورها الدهون علشان ترطب البشره << وطبعا الافرازات بتكون زايده ..

ونصيحه .. اهتمي باكلك وشربك .. شوفي شلون بتصير بشرتك ..خففي من الملقيات و الشطه و البهارات .. و كثررري من الماء << هذا ثالث موضوع اليوم انصح فيه البنات بشرب الماء .. شوفي يا حلوه ربك قال سبحانه وتعالى ( وجعلنا من الماء كل شي حي ) عزيزتي .. الماء جد سر الحياة .. وصدقيني مهم جدا للانسان .. واذا حرصتي على شرب 8 اكواب باليوم باوقات متفرقه صدقيييييني بتحسين بفرق .. من بشره وشعر و وظائف جسم .. بتحسين نفسك خفيفه حتى نفسيتك بتتغير للاحسن باذن الله .... ما تشوفين عارضات الازياء و الممثلات دايما تشوفين بايدينهم قنينه ماء :22: حلوه قنينه ههههه
و حرصي اكل 3 حصص باليوم فواكه او خضروات على الاقل !!



بما ان بشرتك دهنيه .. ف انصحك تسوين لها تقشير مره او مرتين بالاسبوع .. راح تعطيك نتيجه حلوه ان شاء الله .. والتقشير يشيل الجلد الميت و ينقي البشره ويشيل الرؤس السوداء ويفتح البشره ويساوي لونها على المدى الطويل .. وراح تطلع وياك نتيجه احلا واحلاااا لو حطيتي ماسك بعد التقشير لان البشره راح تستفيد واااااااااااااااايد ( انحصك بماسك الزبادي = الروب = اليوغرت ) روووووووووووووووووووووووووعه .. لو اعد لك فوايده ما اخلص .. ينشف الحبوب و يعقمها لان فيه احماض .. و يفتح لون البشره (حليب) .. ويشد البشره ..ينعمها .. وينورها ويشرقها
انا كل كم يوم اخذ لي ملعقه من الزبادي البارد من الثلاجه وافرده على وجهي واخليه .. مرات ساعه ومرات نص ساعه ومرات ساعتين على حسب احطه وانساااه .. وهو اول شي بيكون مثل الكريم بس بعدين راح ينشف ويشد عادي لا تخافين .. وبعدين بس غسليه بماء دافي ثم بارد او مرري ثلجه او قالب ماء وردي مثلج احلا واحلا :26:
و ترى وايد يمدحون المره للبشره الدهنيه بس ما اعرف طريقتها بالضبط ..



اوكي .. اللحين بقولك عن المكياج ..
لووول عليت جبدك شكلي :42: بس والله لو البشره مش نظيفه ولااا في اهتمام ولاا عنايه صدقيني لا يمكن يطلع المكياج حلوو والبشره نضره ومشرقه ..


قبل المكياج .. يفضل تحطين بيس مخصوص للبشره الدهنيه .. البنات يمدحون بيس من فورايفر اسمه all mat وهو يتحكم بافرازات الدهون و يسكر المسام ..



طبعا قبل كــــــــل شي تكونين مغسله بشرتك و ماسحتها بالتونك .. مرطبتها بشووي من المرطب شوووي بس .. والاحس تحطين لوشن مرطب مش كريم ... اللوشن اخف وتمتصه البشره اسرع .. انتي جربي الكريم واللشون وشوفي شنو اللي ترتاحين له اكثر ..