فيه شغله منغصه علي حياتي و يأسه من التفاءل الله يوفق الي ترد

السلام عليكم ورحمه الله وبركاته

اخواتي

انا عمري كبير

ومحتاجه للزواج

انخطبت مرتين و الموضوع كل ما ابغاه يتم تصير مشاكل و يتفركش

اخواتي

اللحين انا ماني مخطوبه ولا شيء

وبإذن الله ربي ما راح يخيب رجائي و يرزقني بالزوج الصالح

تخيلوا اللحين متفاءله بس انا عارفه لو انخطبت في رمضان ولا شهر شوال او ذي القعده

اهلي راح يأجلون الموضوع لمحرم

حتى خطبه رجال ما يبغون راح يأجلون علي الموضوع

واذا فيه مناسبات لبنات في عمري يروحون يوجبون و يحضرون لهم وانا يأجلون الموضوع

بحكم انهم مشغولين في هذي الفترة و ما هم فاضيين

والصدق هم مشغولين مرة مرة

والله يا اخواتي اني مررررررررررررررررررررررررة مكتئبه و حزينه و يأسه من هذي الحياة

احس اني وضعي غير عن البنات

بالله مين ينتظر اهلي لمحرم و يجي يخطب

لو شافوا اهلي كذا مأجلين الموضوع حتى خطبه رجال ما في راح يتركوني

ويروحون لبيت ثاني

والله يا بنات اني مررررررررررررررررررررررة متضاااااااااااااااااااااااااااااااايقه لدرجه ما تتصورونها

لاتقولون كلميهم كيف اكلمهم هم لهم سنين على هذا الوضع ما يتغيرون و الله حتى لو دخلت مين يكلمهم ما يتعدلون

اخواتي راح تقولون لي تفاءلي وادعي و الله اني دائم ادعي و ما يجي شهر شوال الا وانا مخطوبه و على طول اهلي يأجلون الموضوع و يطير النصيب حطوا نفسكم مكاني وربي حصلت لي كثير ومرة متضايقه حطوا انفسكم مكاني

والله يا ناس صرت احقد على البنات كلهم احسهم غير وانا واهلي غير احس السعادة ما راح اذوقها بسبب اهلي ولو ذقتها راح اقاطعهم لانهم حرموني منها

والله الوحده تكون مرتاحه اذا ما كانت في حاجه الزواج

انا يتيمه و ما عندي احد يلبي طلباتي و محبوسه طول اليوم في البيت

مرة محتاجه للزواج بشكل ما تتصورونه

وفوقها احساسك لمن تحملي و تكون ام هذي غريزة في قلب كل بنت لا احد ينكرها

اتمنى الي ترد علي تكون حاسه بوضعي و كأني وحده من اخواتها ام الي كارهه الزواج فأرجوها لا ترد ولا بكلمة اذا بتدعي لي ترد وجزاكم الله خير
ارجوكم طمنوني و حسوا فيني مالي غيركم