فيه عندكم جيران زى جيراننا ولا بس انا ؟؟

صبحم الله بالخير

ياطويلات العمر انا ساكنه بعماره مكونه من اربع شقق وانا بشقه منهم والبقيه مأجره

القصه ومافيها تعرفت على جارتى وجتنى وهليت ورحبت فيها هى تحب التعرف قالت وشرايك نتعارف على بقية اللى ساكنين بالعماره وتعرفنا عليهم طلعو مو من منطقتنا

المهم صارت سهرات يعنى من بعد صلاة العشاء الى الساعه 12 واحيانا 1 وهن ببيت وحده بس اللى قهرنى جارتى فيها تطفل زياده تخيلو تطق الباب على وانا نايمه وتدق الجوال وماارد لانى حاطته على الصامت

واحيانا لما تجينى تجلس تدقدق على حريم الحاره تعزمهم على وانا مانى مستعده ليجينى احد تخيلو احيانا مايكون عندى حلا ولاتمر ولاقهوه ولامكسرات فشيله قدام ناس اجنبيات عنى يعنى ماشفتهم الامرتين او مره عندها :06:

تحرجنى دايما مره كنا عند وحده من جاراتى عازمتنا سهره فرشت سفره وحطت اطباق وكان قبالى صحن تبوله وكنت ااكل بنتى منه وبكل وقاحه شالته كله من قدامى وعطته بنتها المشكله بيدى الملعقه خخخخخخخخخخخخ مو قصدى اتشكى من الاكل اتشكى من تطفلها وجرأ؟تها وبااحد المواقف قالت ××××
تخيلو يضحكن الحريم وانا ساكته ولاقلت شىء ولا بينت انى اتضايقت وعديتها المشكله قدام حريم مابيننا ميانه ولا حتى هى مابينى وبينها ميانه

المهم سهرنا عند جارتنا الثانيه المتطفله رقم 2 وحنا نتعشى قالت ××××××قالت لايكون زعلتى قلت لا مابخاطرى شىء حلم يعنى ايش يزعلنى :16:

وانا بصراحه مستحقره هالاشكال وجرأتهم وتخيلو لاشفتنى تقول يوه شكلك ليه ماتغيرينه وانا شعرى طويل مره وحلو وماابغى اقصه وزوجى يحبه طويل اللى يسمعها تغير حتى المكياج ماتحطه لاتخيلو قدام الحريم وتقول زوجك بس يسافر انا زوجى لاسافرورجع اذبح ذبيحه واوديها لااهله وتاب عن السفر ولا سافر بعدها وهى تكذب يسافر بس تكابر عاد انا مايهمنى عاد انا ماشكيت لها ابد عن سفر زوجى ولا عن حياتى :04:

وعديتها

المهم جارتى بس تدق الباب تبغى تجى بدون لااناديها واحيانا اكون مكركبه ولاادرس عيالى ولانفسيتى مو متقبله زيارات ولااكون طالعه لمستشفى وللا لااهلى واتعذر لها

لانى مليت تخيلةو هى عندها شغاله ولا صا رت تنادى احد يعنى زيا ره عندها بالشهر مره تبغى بيتها على نظافته وانا ماعندى شغاله تعالو شوفو كل وحده تناديهم معاها عيالها وضرب مع اعيالى مدرى انا اقهوى الحريم اللى لامتهم على ولا افك ضرب العيال ماخلو شىء ماكسروه وحتى حاطه شجر ظل قطعوه

ومن المواقف ايضا انها لما تعزم اللى بنفس العماره من الجيران تناديهم بدرى زى امس مثلا يدق الباب لقيتهم عيال جيراننا الصغار طلت على امهم مع الباب وسلمت على قالت معليش عيالى قلت اتفضلى قالت انا معزومه عند ام بدر قلت ليه عندها سهره ؟؟؟؟؟

قالت ايه قالت لى منتى جايه عندها ؟؟؟؟؟؟؟؟؟؟؟ قلت لا ماعزمتنى وهالحكى الساعه 9 قلت ليه متى متصله عليك قالت والله قبل المغرب قلت هى مانادتنى وراحت من عند بابى

المهم الباب يدق فتحت لقيتها بنتها قالت امى تقول تعالى قلت قولى لمك اللى بينادى ينادى بدرى زى اللى نادتهم

المهم راحت البنت لامها قالت الحين تجى اسمعها وانا بالحوش :32: عاد البنيه صغيره بالروضه

الحين انا انقهرت من معاملتها وشرايكم :27: