في موضوع صار لي واريد اخذ رايكم!!!

السلام عليكم
بنات انا مريت بمشكله واريد حل او نصيحه لاني اعاني منها من فتره ولا لاقيه لها حل
انا عندي طفلين وحامل وزوجي موفر لي خدامه وانا عايشه في بيت اهله وفي غرفه وصاله وحمام والحمدلله بس كنت ابحث عن وظيفه ولقيت بس لازم تدريب وبربع راتب وبعد ست اشهر وظيفه وبراتب كامل
المهم قدمت وشجعني زوجي وام زوجي بعد ووعدتني انها راح تمسك العيال وتهتم فيهم وانها تشوف لي انه افضل اداوم واساعد زوجي ولما صار الموضوع جد واتصلو فيني قالت انها ما تقدر تمسك العيال واولهم بنتي لنها صغيره وتحتج رعايه وبعدين قالت امسك الولد وبعد اسبوع قالت انا عندي اشغال ومن هالكلام وفهمت مقصدها ولما كلمت زوجي يخليني اخذهم عند اهلي تشوهم الوالده بس اخذ الخدامه رفض بحجت انه امه بحاجه لها مع انه عندها بدال الخدامه ثنتين وهذي الخدامه لي ولعيالي بس والله يا بنات اني انصدمت فيهم قالت لزوجي عيالها اولا فيها وليش تشتغل انتو ما عليكم قاصر ومن هالكلام وهي تدري بظروفنا والله يا بنات مر علي العيد يا دوب دبر مشاري عيالي وانا اخذت لي ثوب وبس ماكفت الفلوس وزوجي قال ما عندي !! اهو كريم معي بس فعلا ما يكفينا راتبه وانا راضيه بس لازم اداوم انا جامعيه وممكن راتبي كون اعلى من راتبه بعد واقدر اوفر عليه امور كثيره وانا متحمسه للعمل بس امه رافضه وما تتكلم الا لما اطلع من المجلس
بنات انا الحين ادري انهم عيالي ومسؤوليتي بس انا اشوف انه الخدامه لو اتابعهم مع الوالده ممكن تنحل المشكله وزوجي ماله شور عند امه شخصيته جدا ضعيفه ما يقدر يقول لها لا والخدامه الى اسم بس انها لي انا واولادي عمرهم ما اعتقوها احيانن يكرفونها لين الساعه 12 بالليل وبرمضان لين الساعه 2 والحين هي مريضه ولا تقدر على الشغل مثل اول ولما اكلمهم ما يسمعون وكانه عينهم على خدامتنا مافي غيرها بالبيت!!
بنات انا مقهوره حلوني شسوي بهالموضوع اترك الوظيفه واقعد مع اولادي وارضي بالي يصير واسكت عن حقي والا اخذ الخدامه غصب واروح بيت اهلي واخليها تشوف اعيالي مع الوالده الى تتمنالي الوظيفه اليوم قبل باجر لانها حاسه بظروفي!!!

ساعدوني