في واحد بيخطبني بس هونو اهله بسبب فشل ابوي واختي

يوم من الايام رحت لصديقتي كان عندها مناسبة وشافتني وحدة تقرب لها واسألتها عني وعطتها اسمي واسم عائلتي بعدين راحت اسألت عني والجارات قالوا لها عن حال ابوي واختي وانهم مب كويسين
عندي اخت من بداية زواجها وهي قاضية وقتها مشاكل مع زوجها ووقت المشاكل تجينا وتقول الكلام لامي وابوي وتقط البلا على زوجها والله اعلم الغلط منها ولا من زوجها بس على العموم اثنينهم فاشلين في تصرفاتهم وفي ادارتهم للأمور
وابوي اذا درا بالموضوع يقول ما ترجع للبيت عشان يعرف قيمتها وتشوفون الجارات يزورون امي وعسى ماشر بنتك عندك توها عروس امي على طول تقول لهم السالفة وانها متخانقة مع زوجها وهم عاد يحفظون ايش يصير معنا اكثر من مرة يجي حماها ابو زوجها يجي يبي يتفاهم مع ابوي وابوي يرفع صوته عليه انت وولدك غلط ومدري ايش واليوم الثاني يزورونا جاراتنا ولا وحدة منهم وتسال امي صوت زوجك عالي عسى ماشر تقول لهم يتفاهم مع اهل زوج بنتها وينصحونها الجارات ان اسلوب ابوي غلط وكذا بس ما في فايدة والمشكلة ان اختي يا ليتها صغيرة في ذاك الوقت لا شكبرها ومشاكلهم مرة تافهة مثل وجيههم
وبعد محاولات رجعت له وجابت عيال وهي ولا زوجها كفو مسؤلية اصلا تخيلوا يتهاوشون بعدين تجي عندها هي وعيالها وخدامتها وتقط مسؤلية عيالها على الخدامة كم مرة ولدها طاح من الدرج وتلوم الخدامة ولا تلوم نفسها وخدامتها هربت في فترة جلوسها في بيتنا واحنا بلغنا الشرطة انها هجت وجاراتنا دروا بالموضوع وكلموا خالاتي ينصحون امي وابوي لان تصرفاتهم مرة غلط هم وبنتهم
المهم لما قالوا الجارات حق قريبة اختي عن الموضوع استغربت وراحت قالت لصديقتي قالت ما تدري واسألتني تقول اهلك راعيين مشاكل مع الناس وابوك طرد زوج اختك وابوه من البيت وخدامة اختكم هربت من البيت واشياء كثيرة
قلت لها من قال لك قالت وحدة تبي تخطبك لاخوها راحت اسألت جاراتكم قالوا لها ذا الكلام قلت لها هم بيتزوجوني ولا بيتزوجون ابوي واختي راعيين المشاكل قالت هي تبي تبتعد عن المشاكل وما تبي تضييع اخوها بين ابوك الاقشر
احس كرهت ابوي وكرهت اختي وزوجها البزران ما كأنهم عاقلين كأنهم مجانين اي مشكلة ينفصلون ويبلشونا وابوي يسوي مشكلة واحنا ناكلها نصيبنا يتوقف والسبب فشل اختي وزوجها وتهور ابوي