قاعة رويال بالسويدي! بسرعة قبل التراويح

والله ياختي ما ادري بس انا حظرت فيها زواج
كانت المشرفة حقة القاعة شوي وتشيل العروسة من على الارض
وتخدمها من قلب مرررررة ماشاء الله ما ادري شسمها
عموما لبسها ماسك مررررة على الجسم واتذكر اني سألت ام العروسة
عنها قالت ماقصرت ابد معنا لكن من كثر حماسها طلعت بتصوير الفيديو
هي ولبسها :( الله لايفشلنا ,, عموما نبهو عليها انها ماتتفلسف وتدخل بالتصوير
واذا بدت الزفة انتبهوا خلوكم مراقبين الوضع ,, بخصوص القاعة حقة العشاء
ما ادري ما اتذكر بس يمكن .. القاعة مرة كانت حلوة وباااااردة مرة اتذكر اننا
بغينا نموت برد حظرت فيها في شهر ذي القعدة الماضي وبعد ماطلعنا من العشاء
الصبابات استقبلونا بالقهوة عند الباب وقهوونا ما ادري اذا هم يسوون هالحركة ولا
اهل العروس عطوهم زيادة وطلبوا منهم هالشيء ,,,,

بخصوص الطق ما ادري اذا يوقفونه بعد ثلاث الفجر او لا بس بصراحة الزواج اذا تأخر
عن 2 يصير ماله طعم الناس دايخين وحالتهم حالة حلاته لابدا بدري وخلص بدري ,,
والله يوفقكم ويسهل لكم خلقه اسألوا بعد عن الغرفة الثانية غير حقة العروسة ترى
اغلب القاعات طماعين يطلبون دفع فلوس عشان يفتحونها خصوصا اذا كوافيرتك
من برا اتذكر بزواج اختي طلبوا قاعة الفخامة منا ندفع فلوس عشان كوافيرتنا تدخل
وحتى الكشاف جبناه من برا ودفعنا فلوس عليه حسبي الله عليهم ,, وبس لاتنسيني من دعواتك ياعسل

جزاك الله خيــــــــــــــــــــــــــر

انا ماودي الزواج يطول اصلا :) ما ابي اشيل اثم احد
بس فشله انك تطلعين الناس !!
وزين انك نبهتيني للحركات حقاتهم !


ننتظر رأي ثاني..

هلا ياقلبي
انا زواجي كان فيها بصراحه روعه قليله عليها
وفخمه جدا جدا وتعاملهم راقي وفعلا المشرفه اسمها ام منصور
رائعه بتعاملها معي ومع اهلي والكل يمدحها يعني حتى المعازيم
مريحتهم تدور مثل النحله ماشاء الله
وبصراحه القاعه ماعليها كلام
قاعه العشا حلوه مع اني ماتذكرهالاكن اهلي مدحوها لي بعدين
وغرفه العروس فاتحينها بدون فلوس وفيها غرفتين مفتوحه على بعض
وحده للكوافير ووحده مجلس عشان لا دخل المعرس وبابها من وراء عشان
محد يقزهم وهم طالعين
وسعرها على ما اظن حوالي 25 الف الاجار طبعا
لاكن ارجع واقول ماعليها كلام

انا لسا حاضره زواج فيها قبل رمضان
رااقيه جدا ومرتبه

بس بالفعل لاحظت نفس ملاحظة اختي اللي ردت
المشرفه نحللله تشتغل من قلب بس بالفعل تتنطط في الزفه وتطلع بالتصوير عاد اللبس والجسم على الكيف

بنت العز
انا رحت لهم قالوا لي بـ 20 ألف
بدون الحلى ,, والعشاء لـ 100 شخص ! وش رايك قليل ؟

كيف انتم ماشاء الله كلفكم بس 25
لاني يوم حسبتها مع الذبايح وكذا,,, طلعت بتوصل 30
.
الشيء الثاني
جربتي كوشاتهم.. وحطيتي كوشه والا لأ ؟؟