قالت ابي اجي ازورك وطنشتهااااا

السلام عليكم اخواتي في المنتدى احبكم:biggrinlo
اول مره اكتب مشكله الموضوع ان عندي جارتين انا سكنت قبلهم بالعماره ولمن سكنو كنت اعزمهم
واكرمهم ودايما اكلمهم يجوني وهم ولا مره قالو تعالي ويروحو لبعض ولا عمرهم كلموني وانا كنت اتصل عليهم واسأل وهم لالالالالا وكنت اعزمهم لمن يجو زميلاتي عندي وكنت اقول جيران والرسول صلى الله عليه وسلم وصى بالجار واصبر لحد ما وصلوها معايا

طبعا انا حضريه وهم بدو بس وربي مرره انا ما عندي العنصريه وكل ما يسألوني عن شي عندي كنت اقولهم واعتبرهم اخواتي ونحن بنفس السن تقريبا بس هم احس عندهم العنصريه حضر وبدو والعياذ بالله المهم انا صفدتهم وخسرتهم وسرت لا اسأل ولا ادق عساهم ما عزموني وعشت حياتي المهم وحده منهم نقلت من العماره وما بقي الا اانا ووحده منهم قبل فتره قريبه اتصلت علي اللي في العماره وسلمت وقالت رقمك رااح ومن دا الكلام وابغى اجيك وانا اصلا ماكنت بالبيت كنت زيارة عند اهلي قلتلها انا براا قالت اجل لمن ترجعي ان شاء الله بجيك قلت خير ان شاء الله

المهم انا رحت البيت وطنشتها ولا اتصلت ولاحددت معاها يوم عشان تجيني ولا ابغاها تجيني اصلا ليش لمن راحت صاحبتها قامت تدورلي الله يغنيني عنك وعن عنصريتكم ابي رأيكم انا معايا حق في اللي سويته او لااا

اختكم انين السحر:twirl: