قالو لها اذا هذي بيتزوجها عليك رحتي فيها !!!

السلام عليكم ورحمة الله وبركاته

هذي قصة واقعيه بطلتها صديقتي الروح بالروح شاركتها الالم والفرح فيها ووضعتها حتى تعرفون مافي وحده تجي يوم تتكبر على وحده بجمالها او بفلوسها او تقول انا الجديده وانا وانا

صديقتي ( م) جميله متواضعه بسييييييييييييطة ماكملت تعليمها حياتها بيتها اعيالها وزوجها اللي تحبه بجنون
زوجها متعلم تعليم كبير صاحب شهادة عاليه طبيب اورام وله اسم معروف يعايرها ليل نهار يالجاهله يعايرها ببساطتها يقارن بينها وبين المريضات والدكتورات انك ولاشي جنبهم وهي تتحمل وتتحمل
دايما يقول تفشليني لايشوفك احد لانك غير متعلمه وهي تصبر وتتحمل وتخدمه بعيونها
هي حتى صالونات نادر تروح لكن حلوة ونظيفه ومهتمه بنفسها لكن بسيطة
وعمرها 35

جات اللحظة القاتله قال لها بتزوج عليك اريد وحده بمستوي التعليمي والثقافي وواجهة مشرفة

اعرفت ان طبيبة حاطه عينها عليه على فكره هالطبيبة معروفه واسمها معروف بالنت
يعني بارزة بتخصصها وكمان بنت عيله هاي وكشخه ومولوده في امريكا وحلوة بدون خلطات ولاشي جسمها منيكان واسلوب ونعومه ومره شي ثاني
كل الناس قالو لصديقتي رحتي فيها هذي دمار شامل هذي انتي وين وهي وين حتى لو حاولتي تتعدلين ماتجي شي جنبها
هالدكتور كثير خطبوها لكن سبحان الله ماحبت غيره
ويوم من الايام صادف جلست جنب بنت عمها وعرفت ان اني اعرف زوجته الاولى قالت صديقتي راحت فيها بنت عمي شي فوق الوصف اتيكت لغات ولبس ماركات الجزمة بالف والفين تلبس
تذكرت انا ان صديقتي ملابسها متواضعه من الهرم والرياض مول وغيره وماترتاح غير من هناك تتقضى
والكل اجمع واتفق اما بيطلق صديقتي او بيتركها مع اعيالها
حتى صديقتي تعبت نفسيا قالت بقول له يروح لها من اول زواجهم بدل مايهجرني من نفسه واتحطم
وايام الملكة اول ماملك رسايل حب وعشق وغرام اللي كان يستكثر فيها كلمة حبيبتي تحول لشاعر والدكتورة بعد كانت اسلوب يقتل تعرفو عليها خواته انبهرو كان الكل مبهور وصديقتي تاكل وتاكل بنفسها لدرجة جاها انهيار ياه ذكرت ذيك الايام وجاتني غصه
حجز للعروسه شهر عسل ايطاليا وتزوج وسافر وصديقتي صلاة الليل كل يوم تصلي وتبكي وتطلب من ربي الثبات والصبر

واسبوع مارفع سماعه ولاسئل وصديقتي تحترق
ولكن اسبوع ورجع رجع واحد ثاني هادي صامت والغريبه جلس عندها وماراح هناك وكان حنووووون جدا طلعها اسواق وضحك وهرج وسوالف تقول سبحان الله وين اللي كان يقول عني جاهله جلس اسبوع وراح هناك تقول راح وكنه مو طايق نفسه
ويرجع ليلتها بلهفة تقول كني انا الجديده مع ان صديقتي هيا هيا ماتغيرت ابدا لا مكياج ولا عمليات ببساطتها نفسها
وحجز لصديقتي معاه سفرة ايطاليا لندن وراح معاها تقول ايام حلووة وجميله والدكتور بس ترسل وتسب فيه
تقول له مادامك تحها ليه تزوجت ؟ يلي ماتخاف الله يلي تلعب ببنات الناس ولعت ليه مسافر مع زوجته
طيب نسيتي انه زوجها بعد
ورجع والمشاكل زادت والمشكله كلها من طرف هالدكتوره كنها هيا الاوله واتهمت حتى صديقتي بالسحر

تقول للناس انا توقعت انسيه نفسه واعياله والدنيا كلها اشلون يتركني (( انا )) ويروح لهذيك
المهم قرر يطلق وقال للناس مافيها ولاعيب بالعكس مدلعتني اخر دلع وكل شي فيها بس ماحبيتها حسيت احب زوجتي وماقدر استغني عنها
طلق الدكتورة الله يرزقها خير منه ورجع لصديقتي واحد ثاني حب وعشق وجنون سفرات وهدايا وحياة من اروع مايكون

سبحان مغير الاحوال عرف قيمتها وعرف انها حبه الاول والاخير

وظلت ومازالت ملكة قلبه وبس:booo: