قبل شوي أجهضت للمره الرابعه تعالوا ساعدوني تعبت>>قديم

صباح الخير
قبل شوي أجهضت
وهذا رابع حمل يسقط
تعبت يابنات من الأجهاضات بدون سبب
وكلها في الأسابيع الأولى من الحمل خمس أسابيع
وحتى أسقط ومابان كيس الحمل في الأشاعه
ويعطوني دفستون وحمض فوليك وأسبرين وتحاميل سايكلوجيست
لكن أسقط
الدكتوره كانت تنتظر تشوف الكيس علشان بتعطيني أبر الهيبارين لكن سقطت وهي ماشافت الكيس

صلحت تحليل عن تجلط الدم وعن الأجسام المضاد
وتحليل ثالث ناسية أسمه أتوقع غدة نخاميه
المهم كل تحاليلي سليمة
وأنا مشكلتي ضعف مبايض وتكيسات

قريت في النت الي عندها تكيسات البويضه تكون غير صالحه لتلقيح
يعني جودتها قليله طيب وش الحل يمكن علشان كذا أجهض
رحت لمركز الأنجاب والعقم في بريده
وشاف حالتي قال المركز يستقبل الحالات الي ماتحمل أبد
أنتي مشكلتك أجهاضات مش عدم حمل
فيه عيادة بالرياض تخصص أجهاضات
قلنا وين مكانها قال مدري بالضبط وين

عاد أنا في الرياض تكفون وين هالعياده هذي
الي تعالج أجهاضات متكرره
لأني تعبت من الأجهاضات
الحمل هذا كنت موقفه العلاجات مدة سنه
واستمريت على الكلوفاج ونزلت وزني حوالي 11 كيلو
وستخدمت خلطة الرويس
ويقدرة قادر حملت
وكنت متأمله خير يستمر الحمل لكن للأسف سقطت
تكفون ساعدوني الي عندها أجهاضات متكرره بدون سبب
وحملت واستمر حملها تعلمني وش سوت الله يجزاها الجنه
وين العيادة الي في الرياض الي متخصصه في الأجهاضات المتكرره
أنتظر ردودكم يأخواتي