قدر الله علينا نكون زوجات ثانيات

مرحبا
انا واختي زوجات ثانيات
وكلنا النا ظروفنا القاسية وماتوفقنا بحياتنا الاولى
انا تطلقت وهي مات زوجها
بعد ماتطلقت بسنة تقدم لي ابن خالتي بدو يتزوجني بعذر انو مرتو مابتجيب ولاد وبعد ماتقدم مرتين وافقت وتزوجنا
اختي عاشت حياتها مع زوجها بالغربة على ولد واحد بس والعيب كان منو وسبحان الله ماجابو غيرو وقبل 4 سنين مات بحادث سيارة وضلت اختي وحيدة مع ابنها وكان سلفها هناك معهم بنفس المدينة
ضل عم يصرف عليهم فترة بعدين حاكاه ابوه وقلو اكتب كتابك عليها مشان ابن اخوك مايضيع واختي رفضت رفض تام وابو زوجها يجي عند ابي يحاكيه يقلو بنتك لسا صغيرة وابني احق فيها مشان ابن اخوه مارح تضل هيك طول عمرها اكيد رح تتزوج واتخانق مع ابي وضغط على اختي ورفضت وهذا الشي سبب نفور وخناق بينها وبين سلفتها
لما طلع عمها زيارة اجبرها واقنعها وخلى ابنو يجيب شيخ ويكتب كتابو عليها وصار لي صار
علاقتها مع الاولى كانت قوية كثير وهلق تغيرت الظروف صارت ضرتها للاسف
مانعت زوجها كثير وضلت تعاملو مثل الاخ بعدين لانت الو وهلق حامل سبحان الله
قصتي انا واختي غريبة ومثل ماشايفين النا ظروفنا
بس بنظر المجتمع لا نحنا خرابات بيوت سراقات رجال وقصصنا صارت على لسان الكل
وحدة بعد ماتطلقت حطت عينها على ابن خالتها الغني والثانية مالحقت خلصت من زوجها وماقدرت عشرة السنين حطت عينها على اخوه وسرقتو
حتى ب اي مكان ملاحقين وصرنا سخرية ومحال نكت انا واختي
طفشت من التنمر انا وهي وطلعت روحنا بنظر الجميع مجرمات
ماسوينا شي حرام لا قدر الله ومنخاف الله ومنعرفو بس ليش كل هالقد والتنمر
اسفة بس بدي فضفض لاني تعبت