قد شافوه !!!

السلام عليكم ورحمة الله كيفكم بنات احلى عالم  عالم حواء 
شافوه هي كلمه عاميه شاف بمعنى شاهد والواو واو الجماعه يعني انو في ناس شافوا هاذا اشئ والهاء ظمير يعود للشئ المشاهد يعني الشئ الي شافوه هاذي الكلمه يكرهها الرجال وتتردد كثير على السنة الحريم والسؤال : ايش هوا هاذا الشئ الي شافوا الكل ؟ بأختصار هو فستان المناسبات والافراح : الزواجات الي يلبس  في اغلب الاحيان مرة وحدة بس ؟ واذا اظطرت الحرمه تلبسوا مرة ثانيه تدفع ظريبه على كذا وبتسير فريسة في لسان الي يسوا والي ما يسوا لانها ارتكبت جريمه لا تغتفر لان الفستان الي لبستوا قد شافوه والاكيد انوا فساتين المناسبات والافراح غاليه اتصوري انوا فستان بقيمه  خمسه وعشرين الف ينلبس مرة وحده وبعدها ينحط على جمب .. كم وحده اعتذرت عن حظور مناسبه عشا ما عندها قيمه فستان وهيا عندها في دولابها عشرات الفساتين والسبب انها قد لبستوا قبل كذا وقد شافوه ويمكن تظطر انها تتسلف علشان توفرقيمة  الفستان لا وبعظهم علشان تكمل توليفة الحظور بفستان جديد مع ملحقاته جزمه الله يكرمكم بلون الفستان وشنطة من ماركة الفلانية او  العلانيه بلون الحزام وجوال قريب من نفس اللون وتسريحه البومه ؟ وتجلس في الفرح كأنها تسوق لمنتج جديد وتشد الحاظرات برسم بياني يبين رحله الفستان والقماش من السوق الفلاني والتفصيل من المصمم العالمي العلاني وهلمه جره والهدف التباهي وحرق قلب فلانة على حد تفكيرها المعاق كلمتي الاخيرة اختي الغاليه انتي فلانة اياً كان اسمك البسي الي تبغيه ولا تهتمي بنظراتهم وألسنتهم كوني واثقة من نفسك عزتك بقمتك وأخلاقك كانسانه وليس بما تلبسينه من المطرزات والمشغولات وأجزم انك مجبوره عليه مجاراة لعادات عقيمه واعتقد انو عندك من العقل ما يهديك للصواب والرشاد ! وأنسي كلمة قد شافوه  دمتم سالمين