قربت الولادة وخايفة من التليف..أدعوا لي وساعدوني..

السلام عليكم ورحمة الله وبركاته

أخواتي

أنا عندي تليف وقربت ولادتي وخايفة كثير من التليف أنه يعسر ولادتي أو يسبب لي نزيف..

ومع أن الدكتور يقول لي مرة قيصرية ومرة طبيعية ولما سألته ليش غير رأيه يقول : أن القيصرية ما تصلح للي عندهم تليف عشان النزيف وأن الأفضل تولد طبيعي بس ترى ممكن تصير مضاعفات ونقرر قيصرية في آخر لحظة ..

أنا تعبت نفسياً وكل ما قرب الوقت خفت أكثر والله أني صرت ما نام من الهم والقلق والتفكير وما أدري وش أسوي؟
أنا بصراحة ودي بعملية عشان أختصر الوقت والألم ولا أقعد أجرب الطبيعي وبعدين القيصرية..

هل التليف يختفى بعد الولادة ولا يحتاج لعملية عشان ينشال؟
وهل يسبب آلام ونزيف وقت النفاس؟
واللي جربت مستشفى سعد بالخبر مين أحسن طبيب؟

أدعوا لي ولا تبخلون علي بتجاربكم وجزاكم الله كل خير والله يهون علينا حميعاً .