قررت عدم الإنجاب و لكن

السلام عليكم و رحمة الله و بركاته


أتمنى تكونون بخير و سلامه


بنات أنا قصتي قصه لا يتخيلها الا من عاش معي
عمري 29 سنه و أنا الأخت الكبرى بالبيت
اخو ي تخلف عقلي و أخت صعوبات تعلم ، معاناة يوميه
كل يوم مشكله جديده و أكبر من اللي قبل ، عصبية الأب و عدم استيعابه لمشاكل اخواني
حتى أمي دائما تقول اخوانك و إنتوا مش مثل اخواني ، دمكم ثقيل ، صارت تشملني معهم وانا صابره عليهم
، بيتنا كان اهدا و أحسن و اخواني اذكياء مو زيكم ، احس بالإهانة لما تقول كذا
أخوي المصاب بالتخلف مصاب أيضا بالسمنة المفرطه ولا يرضى يخفف ولا يشوف حل عنيد و لئيم
الزبدة ان أنا من سنتين كذا وانا صار عندي رد فعل قوي ، و قلت أنا مو راضيه عن حالي ،
أكره الحياه و لن أنجب ، بالرغم من أني أبي أتزوج لسبب وجود شريك حياه يمكن تتحسن بنظري
لكن مشكلتي جاده بعدم رغبتي بالإنجاب ، استغفر الله أحس الدنيا بتغدرني
وإني عايشه فقط للآلام و الحسرة ، ما أحس بالأمان للدنيا (استغفر الله)
و هذا شعوري الحقيقي رجاءا لا احد يتهجم علي ، هذا شي غصب عني
والله ثم والله لو أقدر ، ما أفكر كذا دقيقه وحده ، لكن ابتليت بهالتفكير
اللي بتلومني تحمد الله ان ما ابتلت مثلي
وحده مثلي كيف تتزوج و هذا رأيها بالإنجاب و الحياه ؟ و هل فيه أحد مر بنفس طريقة تفكيري
و ما الحل لان الناس ما تتفهم رأيي بعدم الإنجاب و كأني عملت كبيره من الكبائر
لما تكون مهموم و مريض عادي عندهم ، لكن إنك تقرر شي مثل كذا إنت سيّء
طبعا أهلي لا يعجبهم هالقرار يقولون ما يشيلك الا عيالك و من هالكلام
طيب اذا كنّا ننجب للحاجه فما الإيجابية في الموضوع ، أشوفه بالعكس سلبي