قررت ما احمل ولا اجيب عيال عشان ارتاح

كيف حالكم وحشتوني كثير لانه لي فتره ما دخلت هذا القسم انا حابه استشيركم او بصفه ثاني حابه تشاركوني في قراري الي اتخذته انا قررت اني ما اروح مستشفيات ولا عند ممرخات لان نفسيتي تعبت من كثر التفكير و القلق الي جالسه اعيشه كل شهر عشان موضوع الحمل خلاص ليه احرق اعصابي و ادمر حياتي بكثرت الحزن و الغيره و القلق انا من وقت ما جاء في راسي القرار احس نفسي مرتاحه لان زوجي عنده عيال و انا جالسه اربيهم و فيه واحد من عياله ربيته من يوم كان عمره سبع شهور لان زوجت زوجي الاوله لما صار بينها و بين زوجي مشاكل حاولت تذبح هذا الولد و تشربه حبوب مرض السكر حق الكبار و دخلت بسببه السجن فتره بس زوجي تنازل و اخذ ولده بشرط يتعهد انها ما تشيله في يوم من الايام طبع زوجي طلقها و انا تحملت عياله الثمانيه علي فكره زوجي مو كبير في العمر بس تزوج بنت عمه وهو صغير و من بعد ما طلقها هربت مع رجال و هربت لمدة سنه كامله بس في الاخير رجعت و الحين زوجي مانع عيالها عنها ما تشوفهم ولا يزورونها و هم الحين عندي لهم ثلاث او اربع سنوات تقريبا عشان كذا زوجي حتي لو قولتله ما عاد ابي اتعالج ماراح يزعل مني لانه اصلا عنده عيال و علي فكره انا في الوقت الحاضر سويت تحاليل و رحت عند ممرخه الحمدلله ما عندي شي يخوف بس الرحم عندي ذو القرنين و عندي الرحم مايل شوي بس و الله تعبت من المستشفيات انا مرتاحه كذا و الحمدلله بيتي  حي مو ميت انتم وش رايكم اخليها علي ربي و اتوكل عليه  و اعيش حياتي عادي الي ما عندها عيال راح تعرف عن ايش جالسه اتكلم بس الي مخوفني كمان كلام الناس و كلام اهلي