قرفانه من زوجي ابي حل !!!!!

السلام عليكم ورحمة الله وبركاته
بدخل بالموضوع عع طول واتمنى الحل منكم
انا متزوجه لي سنتين .. كنت بشقه اجار وزوجي جاه نقل مدينه ثانيه لفتره غير معلومه عع قولته يعني اساله كم قالوا لك المده ؟ يقول مدري المهم طلعني من الشقه الاجار وباع كل الاثاث ووداني عند اهلي وجلست عندهم فتره طويله يجيني كل اسبوعين يشوفني اقل من يوم يوديني شقه مفروشه ويرجعني لاهلي من ثاني يوم .. يتكي عند اهله يومين بعدين يمشي مدينته وعلى هالحال !!!!
المهم اخذني عنده بشقه مفروشه اقوله حط شقه اجار يقول ماعندي ! راتبي قروض سكت وقلت بصبر لكن يعاملني معامله مش كويسه اول شي هو طبعه انسان ساكت مايتكلم مايقول ولاشي حتى ربع سالفه مايقولها حياته دوام اكل نوم لعب بالجوال وبلاستشين لا يسولف معي لا يتكلم معي ولاشي ! يبيني وقت الفراش والطبخ فقط ! طيب انا طفشت تكلم معي سولف معي مايبي اذت قلت سولف يقول ايوه ؟ واذا سولفت يختصر سالفتي عشان يسكتني لايبي يتكلم ولا يبي يسمع ! ولايبي اتوظف ولا يبي اسوي شي وغير كذا طايح بحركه جديده اذا اختلفنا بموضوع وعصب يجي يطقني ع راسي بطرف اصابعه ويقرب راسه من راسي يسوي حركات غريبه انا خايفه انه وصل هالمرحله بكره توصل لمدة يد من جد ! تعبت منه مدري وش اسوي لا يقدر لا يحترم مشاعري لا يراعيني لا يصرف لا شقه لا شي والله مدري وش اسوي انصحوني تكفون !!