قصة بنت عمي من سيء الي اسوء

السلام عليكم ورحمه الله وبركاته ......... قبل كذا كتبت قصة بنت عمي وخوفها من السفر بسبب وزنها الزايد ووسوستها الزايد بأن العالم تتريق علها عشان وزنها مع العلم انه سبب سمنتها ناتجه عن التكيسات وطبعا العلاجات والادويه وخربطه الهرمونات وللاسف قريب حللت طلع عندها كسل باالغده الدرقيه المهم يابنات اليوم قابلتها والله والله حالتها حاله من الوسوسه والتعب النفسي والحزن الي فيها تصورو يابنات ذابحها نفسها من امس على مويه فقط لاعير يعني عشان تبي تنزل بسرعه يابنات مكتئبه تقولون ميت لها احد والله يابنات وجهها باهت مانبي تروح ولاتجي زواج اخوي باقي عليه عشره ايام ورافضه تحظر الزواج عشان وزنها تقول بكره العالم راح تتريق على واصير مضحكه يابنات معاد تلبس طول وقتها بقميص ولاروج ولاكحل معاد هي مثل اول وين الاناقه والتفنن باالمكياج والله كنا نتعلم علي يدها هي باالنسبه لنا رمز من رموز الاناقه والجمال 😔لكن الحين اتغيرت لعاد اهتمام ولاشي والله كاسره خاطره وانا حانه عليها كثير مشغوله معاها يابنات وديتها السوق باالغصب وشريت لها قماش ياخذ العقل واخترت لها فستان موديله يجنن لاكن لا حياة لمن تنادي ماهي راضيه تروح الزواج والله يابنات ياصاحباتي سمان سمان لكن والله ياعليهم كشخه ورزه لكن هي ماهي راضيه تقتنع وش اسوي معاها مااقدر اخليها على هاالحال كيف الطريقه معاها ساعدوني باارائكم يابنات هى وزنها تقريبا 97 لكن يابنات عندها خصر وسمنها اكثر شي في الاكتاف اليد والافخاذ لكن خصرها م شاء الله مره حلو وتقدر تخفي الاماكن الممتلئه بطريقه القصات بس عجزت معاها ابي حل معاها