قصة تاخر حملي وحملي وولادتي بالسلامة وبعض التوصيات

]]]]]]]]]

تأكدوا إن كل شيء مكتوب عند رب العالمين وكل شي له وقت معلوم لا يعلمه غير الله سبحانه وتعالى ..
وقت الحمل ووقت الولادة وكيفية خروج الطفل من الخاصرة او المهبل ، ليس لنا فضل ولا جهد ، كلها بيد الخالق زرع فينها هذه البذور وانبتها بقدرته وهو يخرجها منا بقدرته وبعلمه الذي لا نحصيه ..
دعونا نتعلم أن لا نقول ( انا صبرت على نفسي واجتهد ومشيت وانا اهتميت بنفسي بالدورة وانا وانا علشان كذا ولدت طبيعي )
دعونا نقول كل شيء مكتوب وحتى وان اجتهدنا اذا ربي كتب طبيعي طبيعي واذا ربي كتب قيصري قيصري ولو اجتهدتنا ..
وهذا ليس معناه ان لا نجتهد ونسعى ، بالعكس لكن ما اقصده ان نؤمن ان ما حصل بيد الله وقدرته وليس قدرتنا ..


]]]]]]]]]]]]]]]]]


قصتي تبدا بعد مرور سنتين على زواجي بدوون حمل ، تحاليل اشعة متابعة تبويض تكيس غدة درقية ..... .
علمت انني ابتعدت عن الله بعد الزواج فتوضات واستغفرت وصليت ركعتين ودعوت الله بحرقه ونواح ان يفرج همي تعبت من الاطباء والحبوب ووالمنشطات
سافرت وكنت انوي الحج لكن احسست انني لست بخير ، كان الناس يشوون اللحم والكبدة و انا استفرغ واتقرف هههههههه من الريحه ..
قالت لي ( انسانة لا استطيع ان اصف ما تحمله في قلبها من غيره وحقد ) قالت ههه على بالك انك حامل اللحين ان شاء الله تنزل دورتك ؟؟ يارب تتعنقلين وتنزل ههههه ؟؟

استغربت لانها انسانة فاضلة ملتزمة وعندها اولاد لماذا كل هالحقد ؟ وفي العيد ؟ واول مولود لي ؟؟

المهم قلت لها صادقه دورة متعسرة L

المهم بعد العيد سافرت لأهلي بالرياض وكنت انظف واستفرغ لمدة اسبوعين اخر شيء قال زوجي خلينا نحلل ...
قلت ليش : خسارة فلوس لو في حمل الله يخليه ولو مافي الله يرزقنا ما ابغى احلل .
حلف علي وسويت تحليل وطلعت ( حامــــــــــــــــــــــــل )

والله بكيت انا والدكتورة والممرضة اللي تعالجني لانهم عارفين حالتي وكل مرة يطلع شيء ففرحوا والله من شدة البكا صار معي مغص قوي قالت الدكتورة انتبهي مانبغى نروحه ..

عملت التحاليل وبعد فترة رحت شفته بالسونار وطول الليل ما انام اقرا سورة البقرة والاذكار واصلي الليل ..
المهم وصلت الشهر الرابع صار معي اغماءات وطلع معايا هبوط بالضغط وبعد فتره صار عندي مشاكل مع (اقارب:35:) صار السكر يوصل عندي 200 من الزعل كانوا طيبين بس من يوم حملت :mad:؟؟؟

المهم اضطروا يولدوني قبل وقتي رحت للطبيبة كشفت علي قالت حوضك كويس طفلك في الحوض طبيعي ان شاء الله ..
دخلت المستشفى بدون مغذي بدون اكل من الساعة 3 الظهر يوم الثلاثاء وحتى الساعة 6 المغرب يوم الاربعاء
المهم عملوا تحاميل تحريض من تحت طلق صناعي الساعة 3 ظهرا الثلاثاء وكل شوي كشف 1 سم بعد ساعتين 2 سم ووقف على كذا
يوم الثلاثاء الساعة 2 بالليل كلمت الدكتورة قلت لها بموت خلاص معايا سكر وانتم مجوعيني حتى لو طبيعي ماعندي حيل قالت ممنوع تاكلي قلت لها بس خبزه اشد فيها حيلي قالت طيب بس بعدها ولا شيء اكل الخبزه واستفرغتها .. :(
المهم رحت للدكتورة طيب مغذي علشان اقدر اوقف على حيلي قالت لا L
المهم قالت لها ماابدي اولد طبيعي يلا سوي عمليه انا تعبت من السكر ما اشوف قدامي ..
قالت انتي بكرية تدمرين مستقبلك L
قال زوجي على مسؤوليتنا ..
قالت ننتظر لين بكره الاربعاء ونشوف ... قلت طيب
جاء الاربعاء وحطوا جهاز الطلق طبعا خرطي مافين حيل ولا طلوق مو حامية يعني
شوي تجي الهندية - يدها الله يشلها كبر وجهي - دخلتها وانا اصرخ اوادعي عليها جرحتني بالخاتم .. وتقول اوف منك بس 3 سم من امس بس اووف
بعد ما راحت يجيني نزيف وتنزل السدادة والدم ينزل من بين رجولي وانا ارجف وابكي وشوي يجيني هذاك الطلق اللي حسيت الطفل بينزل من رجولي كانت الساعة 3 الظهر يعني بعد يوم كامل من الطلق الصناعي جاني طلق طبيعي ..
جات الدكتورة وكشفت قالت نص سم لسى خلينا نشوف الطلق بدا يحمى لكن الطفل نبضة خلاص ...
مافي نبض غيروا الجهاز

وانا اقول تعبت حتى ربي عطاني ياه لا تموتونه مايهمني اولدي طبيعي يهمني ما يروح ضناي ..

بسرعه لبسوني لبس العمليه ودخلوني غرفة العمليات جري ونمت قبل ما اخذ البنج اغمى علي من التعب والجوع والسكر وقل النوم بالضبط الساعة 7 دخلت العملية والدكتور تعب حتى يصحيني ولما صحيت خلوني في غرفة العمليات حتى فقت 40في المية من البنج يعني لسى اخربط
وطلعوني فوق في الجناح وانا مااشوف بالضبط ما اشوف تخيلوا اسمع واتكلم بس ما اشوف ؟؟ جلست ابكي اقولهم اعموني هههههههههههه

المهم جات اللسترات وعطوني مسكن وجوني اهلي وتجمعوا عندي وجبت احلى ولد بالدنيا بس جلس تعبان لمدة 4 شهور ثم تعافى ..والحمد لله ..
وسميته خالد .. على اسم الوالد ..

طبعا لما زروني الحريم حش فيني لاني اول وحده قيصري بالعايله المهم يوه راح تجبين بس 4 اويمكن 5 ويمكن ما ت قدرين غير 3 .. ؟؟؟؟؟
والثانية يووووه على كرشتك بتصير مقرفه بعد القيصرية ( هي والده طبيعي 7 ماشاء الله الله يخليهم ) وكرشتها للركبة لكن ما يشفون الله يهديهم بس ..
وووو والله اللي يزور حرمه والده يقول الحمد لله على السلامة ويتربى بعزك ويقضب الباب حتى مايطلع منه كلام يؤذي المريض بدل ما يكسب اجر يكسب ذنب
وغير كذا اللتي تولد قيصري فيها جرح ببطنها مولازم تمسكون راسها وتجلسونها علشان تبوسنها مو لازم قتلوني والله توني ساعة من العملية وهذي تجرني من راسي تسلم علي فهمتو ؟؟
تحط ايدها خلف رقبتي وترفعني حتى فهمها يوصل جبهتي .. وتبوس L
الله المستعان وربي ما يحرمنا اجر الطبيعي والكشف والقيصري واجر الناس اللي تزور ..

انا كنت اهذي (اتكلم بغير وعي ) اقول ماراح اجيب غيره مبنجه مبنجــــــــــــــــ:44:ـــــــــــــــه
يقولون ماراح تجبين غيره ربي بيعاقبك ؟؟L
يارب رحمتك وسعت كل شي يارب سبحانك ليس كمثلك شيء ..
انا لي سنة والدة وربي اكرمني الان بالحمل مع انهم قالوا ربي بيعاقبك بس ربي اكرمني على نيتي ورزقني ..يارب تحفظ حملي وتممه على خير ..
طبع انا ماخبرت حد بحملي حتى ماتصير مشاكل انا بغنى عنها وتوكلت على ربي استغرب الناس عندهم اولاد ليش يوم حملت تغيروا علي ويعاملوني بشر ومشاكل .. يارب انت حسبي ونعم الوكيل

]]]]]]]]]]


ما كان هدفي من كتابة قصتي هرجه تنقال كنت بوصل رسالة ..
- كل وحدة تعاني من تاخر الحمل عليها بالتقرب من الله والله كريم بيرزقها ويكرمها ..
- كل وحدة تعسرت ولدتها لا تقول بالغصب طبيعي ، لا القيصري رحمة للمتعسرات ..
- كل وحدة جاها ولد مريض تعرف ان ربي صرف عنها شر وتصبر ولا تقول ليش انا بالعكس ربي بيرفع درجاتك وبيصرف عنك شر وعن ولدك
والدعاء فيه الشفاء .
- كل وحدة ولدت طبيعي تقول الحمد لله هذا من فضل ربي ولا تجلس تحارق وترمي كلام ما يسوى على وحده والده قيصري ( ترا ما احد له فضل على نفسه كل شي مكتوب والموضوع مو شطاره )
- كل وحدة ولدت قيصري لاتحسين بالنقص ابدا واتاكدي ربي كتب لك اللي يناسبك ربنا كريم رحيم وادرى فينا منا ..
- كل وحدة تستخير قبل ما تروح للمستشفى ولا تعتمد على نصح الناس وتجاربهم مولازم من مدح في طبيبة او مستشفى يكونوا يستاهلوا المدح
- كل وحده تحط في بالها ان اللي بيكتب ربي لها قيصري او طبيعي هو خير حتى ولو جات الولاده على غير ما تتمنى
- اللي تزور مريض تنتبه لالفاظها واللقصص اللي تحكيها مافي داعي للاكشن والافلام المرعبة عند وحده والده سواء قيصري او طبيعي
- كان حل مشكلتي بعد الله في موضوع تاخر التكيس والغدة هو التغلب على السمنة والوصول للوزن المثالي يعني انحفوا للوزن المناسب لكم
- قبل الحمل بشهور احملوا حمية اكل صحي بعيد عن الشبس والقلي والكولا والغازيات والسكريات حت تساعد على الحمل باذن الله
- اعملوا تحاليل فقر الدم والكالسيوم والبول والالتهابات في المهبل وعالجوا أي مشكلة قبل الحمل ..
-هناك من يعاديكم بدون سبب ولا يتمنى لكم الخير لاتنسوا القران والصلاة والاذكار.
وسامحوني على الاطالة ..:27: