قصة حبيب امي وقلبها (((

السلام عليكم
بسم الله
مدري من وين ابدأ من صغره والا اول ماتوظف والا والا
ابختصر
عائلتنا بنات وعيال
العيال اربع الكبير قبل البنات من المتوسط راح لبيت جدي وعاش معه اغلـب وقته يجينا فتره وفتره مثلا كل بعد 3 شهور او ع حسب
كان ابوي يبيه يكمل دراسته لكنه مايحب المدرسه اخذ المتوسط بيت ابوي وشرد لبيت جدي
وبعدين البنات وبعدهم حبيب امي من صغره الله يخليه لها ويفرحنا فيه بالنسبه لي حبيبنا كلنا
تزوجو البنات الثلاث طبعا قبل يتزوجو كملو الثانويه وبعضهم كليه الولد هذا قصته تبدا من الثانويه
اولا بعطيكم نبذه مبسطه __ ابوي يحب البنات اكثر تى كان اخوي الكبير دائما يقوله انت ماتصرفنا بس همك البنات وامي سارت مع العيال_
المهم
اخوي هذا اللي بعدنا كمل ثانويه طبعا ماعنده سياره فقط ع مصروفه مدري 5 او 3 ريال من ابوي الله اعلم بس امي تعطيه تحاول تغطي عليه
حياته كلامه اسلوبه ضحكه ماهو زي اخواني (باختصار تقريبا انطوائي كثيرر كل يوم يقول ابي سياره ولاحياتي لمن تنادي قال لو مستعمل بس مافيه فايده جات اختي الكبيره وقالت لابوي ع الاقل لو بعشر الاف اشتري له
وفرح كثير سار كلامنا كله عن هالسياره ونخطط
للمعلوميه ترى ابوي مقتدر ماشاء الله بس ايش نقول (بخيل)تمنيت مااقولها
تلاشت هالسياره كل شوي ابوي يقول طيب اصبروا بس مو الان ابشتري لك
وتخرج من الثانويه وقلنا يلا نجاحه وخليه يكمل جامعه طبعا قال وين اكمل جامعه ومامعاي سياره
وجلس سنه عاطل امي تقول بس بالبيت جالس او يروح لبيت خالتي مع عيالها ويسهر ويجي
ساكت اخوي تعرفوا ايش ساكت لاقابلته بس سلام وكيف وفقط عليها اااه يااحسرتي عليه
ماعمره ضحك سولف مزح او اي شي كان معاي انا بالذات من قبل اتزوج وبعد ماتزوجت يسولف وكذا وكل شي اكتب لكم والله وابكي
طبعا ماتدلع زي حال الشباب اقلها جوال ولاب توب سنعه ماعنده كنت متزوجه هو اولى ثانويه اذ جيت عندهم اعطيه من مصروفي ولاب توب اخليه يجلس عليه كان الايام اللي اجيهم مايسهر برا البيت يجلس ويجيني مبتسم ويقول مممم معاكي الاب توب ماانساها كنت اتعمد اجيبه عشانه وانبسط اذ اخذه ويقرا قصص يقولي احب المرعبه واللي بسم الله الله اكبر واقوله ماتخاف خخخخ يقولي اضحك وارجع وانط عليه برضوا هذا اللي يقرا وجيت لاختي الكبيره قلت ايش رايك نشتري انا وانتي وفلانه جوال له ان 95 قامت قالت انا اشتريه له وراحت واشترته له واخذته ماجلس معه اسبوع باعه وزعلت اختي بس ماقالت له بس ماندري ليه باعه قلت له ممكن محتاج ماعلينا
ع فكره ابوي مايعطيه مصروف بالشهر ولا شي بهواش امي يعطيه عشره او 30 مدري وبالاعياد بس خلوني ساكته
سنه والحمدلله توظف بالعسكريه قطاع اللي فيه ماشاء الله حلو وماشاء الله مرتب حلو الدوره كانت تقريبا سنه دورته بنفس منطقة اهلي وبعدين ابوي له واسطه تخلي اخوي يتعين بنفس المنطقه لكن اخوي رفض
بالاول ابوي ماكلم الرجال ابوي عنده برود مو من النوع اللي يخاف مثلا يطير الشي عليه لا يقول بنلحق عليه :35:
المهم اخوي يدعي ان يجي وظيفته بالمنطقه اللي يبيها وفعلا كان يبي يبعد يبعد يبعد
وتوظف كلنا بكينا لصغر سنه وغربته
ياشين الغربه يابنات
وتوظف وراح لمنطقته السنه هذي له السنه الثانيه موظف من غير سنة الدوره اخوي حبيب طيب لو تطلبين عيونه ماضنيت بيقول لا يارب تبعده عن عيال الحرام وتوفقه وتفرحنا فيه وبزواجه
كثيرر يقوول مابينا يقصد ابوي واعمامي لانهم شوي مشتتين يقول ودي انهم زي خلق الله جمعات وكذا المهم من توظف اخذ قرض واشترى سياره واشترى لاب توب وجوال الحمدلله ويعطي امي مصروف احيان بالشهر فوق الاف واي شي تبيه امي يعطيها اللي اعرفه ماشاء الله الاف لازم شهريا من غير لو طلبت مثلا اول الشهر وكذا واختي الثانيه زوجها مقتدر واغنى من زوجي وزوج خواتي الباقي لكن رجلها مايعطيها الا شي بسيط واخوي يجيها بيتها ويعطيها اخوي احسه حاقد ع ابوي ايكلمه زين ولايسولف معه بالحرى ترى معنا كلنا مايسولف بس انا من بين خواتي احاول انطط بووجهه وانكت ويضحك بس مايتجادل معاي واسئل اخواني عنه اقولهم برا البيت كذا؟
يقول اللي اصغر منه لا والله انه مع غير بيتنا يسولف ويضحك وينكت والله انبسطت وعساه دووم لكنه اللي محزني معنا ليش؟
اخوي هذا سارت سالفه بيت اهلي ان ابوي جاله رجال وقالو ولدك شافوه ناس مع شباب سوء وراح اخوي الكبير وابوي وكلموه وزعل منهم قال ظلمتوني والله ان فلان يقصد قريب لنا عاطل ترك وظيفته من عيال خالي وطلبه السياره قال ابي اودي ولدي للمستشفى تكفى عطني سيارتك قال والله عطيته هذا مو من جماعتي واحتاجني وايش فيها لو عطيته وفعلا حتى اخوي الكبير جاله هالولد قبل كذا لكنه قام يخاصم اخوي الصغير يقوله لاعاد تقرب منه ترا فيه وفيه وفيه واخوي زعل وسار الان مايكلم لاا ابوي ولاخوي
ويجي فتره وفتره من دوامه ولقى امي تبكي عشان هالكلام بينه وبين ابوي واخوي وطلعت امي للمطبخ ولحقها قالها ولادمعه تطلع منك انا لو لا انتي بهالبيت ماكان جيت
ولافكر ارجع لهذي المنطقه اخوي ماشاء الله شكليا قمر بس ناقصته الضحكه
واحداث كثيررر السنتين هذي بس اختصرت والعيد هذا يوم عرفه اختي ماجهزت لاهي ولاعياله وجات امي وقالت لاخوي الكبير وهذا جالس وقال طيب كلنا ماعطينا حريمنا يقصد نفسه؟ بصراحه موناوي يعطي اختي بس قال هالكلمه يبرر عن نفسه قالت امي شلون ماعطيتها وانتم من سوق لسوق؟ قال ايه بس اشتريت لبنتي المهم قام الصغير هذا وراح لبيتها؟ لبيت اختي وقالها الى الان ساكته ماتجهزتي قومي يالله
ووداها السوق وتخبرني تقول طول الوقت بسياره قالي من متى مايصرفك هاه؟ وش له ساكته ترى انا فيه لاتحسبي زي ابوي واخوي اسمعي ابي كلمه بس تشكين لي والله لاوريه شغله بس انتي ساكته
(( اختي ماتشكي ابدااا كثيرر تجي لاهلي منفخه عيونها والضرب فيها لكنها ساكته ماندري ع ايش؟
عاد سالفه اختي سالفه المهم
واشترى لها
ورحت لاهلي بالعيد والله يابنات اول مره اشوف اختي بعيد بلبس سنع ماشاء الله بقولكم عن اخوي وبرجع لاختي شوي خخخخ احس متلخبطه
جاء اخوي ودخل وسلم علينا والله يابنات سلامه بس مسحه بسيطه وكيف الحال وخلصنا اسوالف ولاشي حسيته وجه سار وردي الا احمر مدري اه بس
المهم
اخوي ماشفته الا اخر مره بشهر 8 وعليها رمضان جاء لكن ماكنت فيه وبالعيد جاء اول يوم عيد الفطر وسافر وجاء بشهر 11 وماشفته وبعدين ع العيد جاء بس كان بينا اتصال اسلم واحاول اسولف بس يقولي مافيه ابد جديد هع
المهم بشهر 11 كلمتني اختي الكبيره قالت فلانه فيه مرض قلت ايش
والله يابنات بكيت وجلست تقريبا اسبووع وانا مو مع زوجي ولااطفالي مدري وش جاني والى الان مو مصدقه ابدا
الا بعد ماشفته وشفت اللي فيه عرفت يحاول يغطيه ااه بس
كنا مفكرين من رمضان نبي نخطب له لكنه مصر مايبي من الجماعه مايبي بنات عمي ولا بنات خالتي يقول مابي ابي من برا وكلمته عن وحده بشهر 11 قالي اوكي اثق برايك عاد انا من هبالي قلت له والله ماشاء الله عليك زين ووظيفه وقمر ومايعيبك شي قالي والله صح :35:اثاريه بس مادري وش اقول
وانا شكيت ان اخوي فيه شي مدري كذا احساسي قلت وراه ماطول بعيد الفطر مو بالعاده والمرض هذا طلع فيه يقولو من شهر العيد الفطر ماندري وش سببه؟
المهم برجع لاختي اول ماسلمت عليها وهو جالس بالصاله يطلع التي في وهي تقولي وتعطيني برمه بجسمها وتقولي شرايك بلبسي وتوريني الاكسسوار واللبس والشنطه عاد انا تلخبطت لان اخوي جالس وناظرنا وضحك جات عيني بعينه وصد ع طول عاد انا معاي خبر من خواتي الصغار انه هو اللي اشترى لها ليلة العيد
وانا اقولها مااشاء الله ايه هذا السنع حرام عليك ظالمه عمرك من سنين قالت والله شرايك قلت كله يهبل قالت والشنطه قلت والله تجنن قالت اجل فداك الشنطه قلت لالا وين خخخخ
واخوي بس ابتسم وصد لاني بغيت افطس ضحك عاد اختي هذي كومديه شوي توقعتها ماراح تبين فرحتها قدامها لمنها بينتها حيييل لدرجه احنا واقفين قدامه وهو توريني حتى تطلع الحلق من شعرها :35:
المهم
كتبت لكم هالقصه حبيت افضفض لاني وانا اكتب والله احس بدا ينزاح من قلبي هم
طلبتكم انا ماحسيت بطعم هالعيد ابد من سمعت بهالخبر ومن شفت اخوووي حسيت انه وهو بينا يغطي هالمرض ومحد ناقشه فيه ابدا ماقدرت ودي يروح يتعالج
طلبتكم اخواتي عسى ان تكون من بينكم او كلكم من لايرد ربي لها دعووه طلبتكم تحقيق امنيتنا انا واخواتي بفرحتنا بشفاءه وزواجه عاجلا غير اجل وان الله يوفقه وينصره ويبعد عنه الضيقه لاني حاااسه فيه حاااسه انه متضاايق وفيه قلق وامي ضايق صدرها عليه وتقول هو قلبي هذا من يومه ( هل مرضه عين او حاله نفسيه بسبب اللي عاناه؟
واسفه على اطالتي وودعواتكم لي بالوظيفه اللي تخليني اساعد اخواني الصغار اللي جايهم الدور اخواني الشباب واشتري لهم سياره :35:لان فيه واحد توه مخلص ثانويه وشرد لبيت جدي بعد بس روحه الحمدلله ماعليه يهاوش ويزاعق ويخاصم ماهو انطوائي بس احيان مايعجبني يتلفظ ع ابووي لكن هالحبيب صح انه مو عاجبه اللي سواه ابوي معه لكنه مايرضى احد يتكلم ع ابوي من برا مثلا رجال وكذا يدافع ويهاوشهم
واشكركم على القراءه