قصة حلم الحمل والطاولة الزجاجية..بليز تابعوني

طبعا حالي من اصعب من حالكم...
تطير عيوني على الحامل ...تبقى عيني عليها واقول ما شالله ..... وفي الجامعه تعرفت على شلة بنات صرنا مثل الاخوات.... ووحده منهم ربي يسلمها تسالني متزوجه اقولها اي تقولي مالت علينا حتى خطاب ما يجونا...................

اسبوع الا تخبرنا ان جايينها خطاب...وصرنا:icon28::icon28:كلنا حتى ان السكشن في شباب ما حسينا بروحنا....شهرين الا هي متزوجه ..شهر الا هي منسحبة.....:)حامل.....

صرت اذكر كلامها...سبحان الله من 3 شهور بس تعلق على نفسها لانها ما تزوجت والحين هي تنتظر البيبي وانا.........الله كريم.................

وصرت اوهم روحي بالحمل لدرجه ما تتصورونها...ويطير قلبي اذا وحده قالت شكلك حامل..اصق روحي من جد...لكن تدرن شنو يحطم معنوياتي..الشيكولاته... تدرون ليش لانه من اعراض الدورة من اشتهيه قلت لاااا واضح ما في حمل.......حتى زوجي عرف السالفه وربط بينه وبين الدورة..............

وموقف من المواقف اللي ما انساها....
اتصلت امي تقولي الدورة متاخرة عليك؟؟قلت لها لاااااا ......وهي مصرة انها ماخرتني.....وانا ادري انها ما اخرتني بس خلتني اشكك بروحي.....................
لدرجه ان رحت لدكتورة تدرسني..سالتها ممكن تشوفين متى غبت الشهر اللي فات؟؟؟ قالت ليش؟ قلت لها لان موعد الدورة وانا ملخبطه فيه ابغي اعرف التاريخ........وله انها فهمت السالفه وقعدت تنصحني اني ما اشغل روحي بالحمل خاصة ان موعد الدورة باقي عليها اكثر من اسبوع:icon33:..........وتبخر الامل.................والطاولة الزجاجية مازالت مكانها................

وقضيت هذه الفترة دراسة وامل في الحمل...وطيران مع :arb:من بلد لبلد سياحه..كنا ما نبغي يضيع من عمرنا شئ مو مستانسين مع بعض............

الى ان اخذت القرار..هذا الكورس لابد من الحمل......... وانسحبت من المواد المحظور فيها الحمل....
ومن يومها والبنات يسالوني.......زهاااااااا حامل ما نزلت باقي المواد:icon33:

اندم اني فكرت ما انزلها من كثر اسألت البنات...............................

وصار يتهيأ لي الحمل من اول شهر..وجاتي الدورة..ووقتها كنت مضبطه ايام التبويض مو بهباله:09: مثل قبل.............وصرت من اقعد بالصاله اناظر الطاولة الزجاجية واقول :angry2:متى اشيلك من قدامي بس حتى ولدي ما يتعور؟؟؟؟؟؟؟؟؟؟

انتظروني..............
يتبع:angry2:

:26:

اسأل الله العظيم رب العرش الكريم ان يرزقنا واياك بالحمل الثابت وكل مؤمنة في هذا القسم خاصة وفي الاماكن الاخرى عامة انه ولي ذلك والقادر عليه
مــــــــــتـــــــــــابــــــــــــعــــــــة

با قي الطاولة الزجاجية مكانها...............

وباقي الشيكولاته ضيف عزيز علينا كل شهر............


مر الشهر الاول من كورس الحمل....... الكل في ترقب:42:
زوجي
امي
خواتي
وبنات الجامعه وما ادراك ما بنات الجامعه

اما اهلي ما خبرتهم اني قصرت من المواد علشان الحمل........


وصار حادث لعايلة عمي وتوفوا:icon33:.......... وانشغلنا بهالمصيبة ربي لا يوريها احد ان شالله...والطاولة الزجاجية
مكانها
والشهر الثاني امي سافرت الحج...وتتصل وتقولي ادعي لك في بيت الله....... وانا عندي يقين الاجابة
وقبل ما ترجع اتصلت تقولي صوتك متغير...وانا نسيت السالفه قلت لها بهبال... اي جايتني الدورة:)

وترجع امي من الحج كئيبه:(.والطاولة الزجاجية مكانها


نسيت اقول لكم ان زميله لي بالجامعه خبرتها عن ايام التبويض قالت لي خلنا نبدا من الكورس الجاي...وماشالله ماجا الكورس الا وهي حامل..من لا قتني تقولي ها بشري انا طبقت نظريتك ونجحت:).... قلت لها الله كريم للحين...ومنها ما سالتني طبعا هذا اول شهر بالجامعه


والشهر الثالث للحين اتذكر نزلت علي الدورة بالسكشن والدكتور يشرح......وانا شوي واصيح :icon33:
رجعت البيت ولا كان شئ صار...الا امي تقول ها شنو فيك:icon33:اقول لها الدورة.....ورجع الاكتئاب من جديد..............والطاولة الزجاجية مكانها


وجا الشهر الرابع ويا ويلي ويلاه....بكني منتفخ .......واضحه الام الدورة بعد ما يبغي لها تفكير وحيرة:09:.................

رحت السعودية مع امي الا تقولي لا تمشين وايد في السوق يمكن حامل اقول لها بعد 4 ايام موعدها وواضحه اعراضها :)خلاااااااااا صرت اخذها بروح رياضية........
وصار بالي مشغول والم راسي يذبحني من التفكير..........

تتبع التكملة انتظروني اذا حبيتوا قصة الطاولة الزجاجية.... لانها لهذا الفصل مكانها ما شلناها:angry2:.....

في هذا الشهر ضيقة صدري غير..
وصرت اشوف كل شئ يذكرني بالحمل في كل مكان
كأن مو مكفيني الطاولة الزجاجية في البيت:icon33:
في الشارع.في البيت..في الزيارات.في الجامعه........

بالصدفه قعدت جنبي بنت تشتكي من الوحم وي صديقتها ياويلي يعني انا ناقصه؟؟؟؟؟بروحي شارده عن بنات السكشن تجين انتي تسولفين قدامي؟؟؟؟؟؟؟؟؟

وفي الشارع ولله كنت ابكي شلون بقول لامي ان الدورة اعراضها باينه؟؟مافي امل هذا الشهر..والكورس بخلص وانا ما حققت انجاز خخخخخخ
بالليل قاعده وي امي ..بحركة سريعه خلت يدها على صدري...تقولي صدرك دافي...وتخلي يدها على صدر اختي تقولي لا هي عادي بس انتي افي..اقول لها لا تلمسينه يالمني..قامت تصارخ حامل حامل........

بهذه السرعه.؟؟؟؟ لازم احلل وقتها امي تراجعت........تقول لا لاتحللين انتظري لوقت الدورة....
طلعت مع صديقتي نصف الليل....ورحت العياده وسويت التحليل ولاول مرة في حياتي اسوي تحليل

ياترى بشيل هالشهر الطاولة الزجاجية من مكانها واودع الشيكولااااااااااا

والنتيجه.............حاااااااااااااااااامل
صراخ وتنطيط في العياده وفوضى عارمة
اه يا قلبي على ذاك اليوم
رحت ابشر امي ما صدقت من الوناسه..واتصلنا لزوجي نخبره ومن وناستها حتى اللي وياه بالددوام عرفوا خخخخخخخخخ
واتصلت لزميلتي اخبرها وصاروا خواتها وحمواتها يكلموني وبشروني وهم ما يعرفوني ولا عمرهم شافوني:icon33::icon33: خلوني شوية بروح امسح دموعي وارجع اكمل...
لان ناوية على نية لهذه الطاولة الزجاجية

انتظروني اذا حبيوتا الطاولة الزجاجية