قصة حملي وولادتي بغلو حياتي

السلام عليكم ورحمة الله وبركاته

اعرف الكروشات يموتون بسوالف الولاده وخصوصا البكريات لا ويمكن كل الحريم موبس الكروشات:27:

مااطول عليكم الموووووهم انا من حملت وانا خايفه على الي في بطني من التشوهات لانه قبل حملت بجنين مشوهه وفقدته وكنت خايفه من الولاده المبكره بعد قد فقدت جنين اخر بولاده مبكره وكلهم بنات الي فقدتهم وان عندي ولد الله يخليه لي

وحملي كان شي كل يوم اقرا سورة البقره كامله والرقيه وامسح على بطني زيت واشرب قرايه ومره وقبل حملي واول حملي قريت عند حرمه وملاازمه الاستغفار وانقطعت عن الناسسسسسسسسسس:44:كان له دور في نفسيتي كل مناسبه نجيب عذر انا واهلي للناس نبرر عدم وجودي والناس مادروا عني الا في السابع اما القريبين مره في الرابع كنت مااشوف الا خالتي ام زوجي واهلي وصديقتي فقط بس زوجي الله يخليه لي ماقصر يمشيني ووسع صدري واختي وصديقتي وقفوا معي الله يرزقهم ماتمنوا وبنات التجمع في عالم حواء ماانساهم كانوا مثل الاخوات لي

وطوال حملي كانوا المستشفى في كل موعد يشيكون على عنق الرحم والحمد لله ماحتجت ربط وكنت اعد الايام والاسابيع للولاده ابي ارتاح نفسيا وقالت الدكتوره من نهاية الرابع انها بنوته عرفت لحظتها انه ربي بيعوضني ببناتي الي فقدتهم
دخات التاسع وكنت من جد تعبانه تعرفون الثقل والنوم وشلون والحمام الله يعزكم وحمل البنت فيه ثقل عجيب" يوم صارلي اسبوع في التاسع وانا كل يوم امشي بديت بالتدريج اول 5دقايق ثم اكثر ثم اكثر ومشي كان بخطوات متباعده واحول اسرع في المشي ورحت لموعدي قالت الجنين نازل في الحوض وكانت معي افرازت بيضاء وكنت حريصه على الجماع:35: وكنت كل يوم اجلس في مويه دافيه واصلي اخر اليل ادعي ربي يهون علي ويفرح نظرتي بشوفة بنوتي بكمال الصحه وكنت اقراء سورة مريم قررررت اخذ زيت خروع رحت شريته من الصيدليه وكملت اغراضي ومشيييييت لين تعبت ساعه تقرريبا واكلت وجبه دسمه وقعدت في مويه دافيه بعدين شربته نص العلبه مع عصير بر تقال بعده قعدت اقراء كتاب الافاده فيما جاء في ورد الولاده هذا كان الساعه11 في اليل 11 ونص بداء المفعول الحمام مع طلوق خفيفه امشي شوي في بيتي وادعي ربي وعلى الساعه 5 الفجر نقعتلي زعفران والساعه 6 اخذتلي كوب حليب مع ملعقة دارسين على اني ماقتنعت في الدارسين
و6ونص شربت الزعفران وعلى المستشفى وولدي كان نايم في البيت سميت عليه ونزلت عنده الشغاله وقلنالها لومره صاح دقي على بابا يجي ياخذه وانا:icon33:رحمته"المهم الطلق كان خفيف وبارد بس الحمد لله لقيت الرحم فاتح 3ونص واتصبر والكشف كان ياسلام مرررره يعوررر مع انه مرتين بس:44:
وقررت اخذ ابرة الظهر لاني مايحتاج ولدت قبل ثلاثه الحمد لله وعلى الخمسه سانتي عطوني ابرة الظهر وقبل كانوا معطيني ابرة العضل ودخت قالت الممرضه انها افضل من الاكسجين قلت يالله اهم شي مسكن
فتحت لي المويه الدكتوره و4 ونص العصر شرفت "غلا
طبعا كاني في حلم كل التعب والهم خلاص مو معقوله"
زوجي كان معي في غرفة الولاده وموقفنا كان صياح وقت خروجها على الدنيا وبس اسالهم هي بنت يقولن ايه بنت غيرل غيرل من الفرحه مااصدق والله يابنات ماكنت اتوقع اعيش هالحظه من التعب الي شفته احس اني ملكت الدنيا كلها مافيه اسعد مني في ذاك الوقت مو مصدقه ابدا كاني في حلم ودي كل الناس يفرحون معي ويتاملون خبر في الجاي ودي الكل يتفائل" امي ماصدقت ماعلمته اني رايحه اولد عشان ماتتحمل
كل الناس فرحوا لي والله حتى اختي كنت ناويه اخلي عندها ولدي بس خليتها لها مفاجاه
الخلاصه والي ابيكم تستفيدون من قصتي وتجربتي اهم شي توكلي على الله ولاتتكلبين على اي احد من الناس خلي اتكالك على ربك ثانيا الاستغفار والدعاء وربي بيسهل عليك كل وحده حملها وولادتها وظرفها تختلف عن الاخرى واستخيري قبل اي قرار تتخذينه انا استخرت لزيت الخروع ولابرة الظهر والحمد لله . ادعولي الله يخليلي عيالي ويهون على الحوامل ويتمملهم بالعافيه ويرزق كل محرومه ويعوض كل من فقدت جنينها يارررب اختصرتلكم قصتي وظروف وولادت حملاتي الي قبل فيها افاده اذا لقيت منكم تجاوب راح اكتبها لكم وتستفيدون منها:39: