قصة معلمة عايشة في قرية

وحده من الرياض قدر الله عليها وتزوجت واحد اخلاق ودين بس ساكن في قريه صغيره ولو سوت اي شي والا طلعت الكل يدري كل اهل القريه 😑فطبعا هي معلمه في القريه وكل يوم تنصعق بالي يصير لدرجه انها مره تقول داومت ولا بنت قالت استاذه انتي وراك نايمه متأخره 😱قالت وش دراك قالت نور غرفتك مفتوح😱 لين الساعه ثنتين صارت البنت تراقب من دريشتها وهي بنت جيرانهم والثانيه استاذه امس غسلتو حوشك صح ولالا ؟؟انهارت المعلمه وهي ماتعودت جايه من العاصمه و تسوي ماتسوي محد دري عنها  كانت خالتها ساكنه معهم ام زوجها فتشتكي لها فقالت يابنيتي هذا اهل القري الصغيره  فققرت الحرمه ذاك اليوم انها تسوي حفله لزوجها بمناسبه مرور سنه💏 وقالت ماراح اعلم خالتي حتي💪 وصارت تروح تشتري شموع وتوزيهم في كرتون الطمام 😂😂 لين ترقيهم فوق وتشتري العصير وتوزيه تحت عباتها 😂وحطته تحدي لاهل القريه 💪وراحت اقرب محافظه جنبهم وسوت قاتو وطبعت صوره رجلها💟 فيه وقالت شف لصاحب المحل هذي قيمه الكيكه وهذي قيمه توصيلها وهذي ميه ريال لو دخلتها للقريه ومحد درا 😂وطق المصري ع صدره من عيوني ياهانم وجاء اليوم الموعود وضبطت الغرفه للحب زوجها
وانتظرت الكيكه وجابها المصري و حطها وسط كرتون برتقال وحاط فوقها طبق بيض😷 تمويه انها مقاضي وشكرته وعطته الميه يستاهل محد شك ابد هههههه وتمت العمليه 
وجاء زوجها وتفاجأ وشلون سوت كل ذا وفرح بقوه وشكرها ولكن الرجال من الوناسه ماقدر يشكرها وتمني انه جاب لها هديه فطلع دراهم وعطاها وحس انها انسانه طيبه وراقيه وكيف تعبت عشان تبسطه نامو وعينو من الله خير وهي الصباح لبست وراحت للمدرسه والدنيا حلوه😍 وانتصرت بذكاء منقطع النظير✋ المهم الرجال نزل لامه تحت وقالت ياوليدي منخفض علي السكر بسرعه جب لي تمر وركض ولا لقي تمر وقام يركض فوق ولقي في وجهه الكيكه خذها بسرعه وركض تحت خاف ان امه تدخل غيبوبه سكر 🏃وبسرعه عطاها قطعه وجازت للعجوز💗 وقالت وش هالزين يمال الغناه قال ابد هي لك قالت لا ✋كلها انت وزوجتك قال و الله كلنا منها قطعه ووالله ما  ترقي يمه ✋كلت الام منها بس كبيره واجد وذكرت جيرانها قالت يرحمون ابروحها لهم هههههه وغلفتها وروحتها لهم
 بنات الجيران  ماقصرو وزو الكيكه وجابوها للمدرسه من بكرا 🙆وحطوها في الساحه وعزمو المعلمات والمديره وصوره حمودي والمكتوب كل عام وانت الحب و تعالي اسمعي الضحك ونادو المعلمه قالو رجلك تحت كلن ياكل منه ومبروووك يوم زواجكم ههههههههه 🙆🙆وشي مادرو عنه اليوم بكرا يندرا عنه  وعقب هالسالفه صار لو تنظم خيط في ابره قالت لهم🏃🏃 ايه اعلمهم بنفسي ولا بكرا يدرون من غيري وانقهر 😷ههههههههه وذكائك منقطع النظير يابعدهم طلع خرطي وياخساره الميه ع التوصيل السري هههههه😂😂😂