قصة مفيدة.. للطفشانات وذوات الحظ الردي

كثير اسمع من الأخوات طفشانة / ماتزوجت / مادرست / حياتي حزن ومشاكل ) اسمعوا القصة
قريبتي جدا جميلة ومتعلمة وتوظفت بس ماتزوجت وتقريبا صار عمرها 32 طفشت مره عشان صديقاتها كلهم تزوجوا وقريباتها وكانت دايم تردد انا مليت احس بوحدة .. ويحرام مرة اتهاوشت مع زوجة اخوها الي تغار منها جدا وحاسدتها مع انها عايشه فنعيم المهم زوجة اخوها استنجدت بساحرة تعرفها واتفقوا عليها يدمرونها وفعلا يابنات لو شفتوا اش صار فيها ، جمالها اتشوه(صار فكها زي الذئب اوحيوان مفترس) اذا احد زارها و خسرت صحتها ، واشيء المفزع تدرون انها انحرمت من عائلتها حسبي الله عليهم تدرون كيف كانت إذا شافت امها تمرض مرض شديد وكذلك أخواتها ، يعني ماتقدر تقعد معاهم ولا تشوفهم أخواتها يبغون يتطمنون عليها لاكن ما يبغوا يضرونها فختاروا البعد كانوا يبكون لأنها وحشتهم ومره وحده منهم حاولت تجلس معاها ودخلت البنت فغيبوبة ، وبعد فترة اتجننت ، نعم اتجننت ولكن رحمة الله فوق كل شيء ربي سخرلها شيخ ، والشيخ ذهل قال عمر ما مر علي حاله زيها والأدهى والأمر أنهم كانوا يريدون يجعلوها زانية تهيم ف الشوارع ، المهم هي قوت ايمانها والشيخ يتابعها والبيت كله التزم والطالبات الصغيرات الي كانت تدرسهم صاروا يدعولها والكل مد يده بالدعاء حتى الخدم لأنها مره كانت طيبة ومحبوبة ويحرام أرسلتلنا كلنا رسايل جوال قبل لاتفقد عقلها وقالت سامحوني . انحرمت من النوم والصحة والأهل والزواج والتواصل مع الناس نعم كثيرة محاطة بنا ولكن لانشعر بقيمتها إلا بعد فقدانها كانت تقول ليتني بس اشوف امي الي الهتني الحياة عنها اوالمس يد اختي الحنونة الي دايم كنت اتهاوش واجرحها ومتى ارجع لغرفتي الي موعاجبني اثاثها انا كنت ملكة انا كنت فنعيم ليتني اشوف الشارع ابغى اشوف شمس العصر ابغى انام زي الناس ابغى امشي واركض تعبت نعم كثيرة كانت عندي وضاعت فغمضة عين (والحمد لله بدأت تتحسن وتسترد النعم الي فقدتها شوي شوي ادعولها وحاولوا تنبسطوا وتستمتعوا بالنعم الي عندكم تاصحة الأهل الأصقاء النوم المسكن العقل والله يباركلكم فيها ويشفي قريبتي وينصرها .