قصة هدايتي للاسلام بعدما كنت مسيحية

مسا الخير ياصبايا كيفكم انا اليوم رح احكيلكم قصة زواجي بس عنجد انا كمان حابة اسمع قصصكن لانو دانو قالتلي انو كلكن كتبتوا بقا شوفو يا بعتولي شلون شوف يلي كتبتو يا أما رح تضل حرقة بقلبي اعرف هالقصة
انا يا حلوين من 11 سنة وقت كان عمري14 سنة حبيت ابن جيرانا كانو بلكوناتنا قراب على بعض وكتير تعلقت بالوقفة على البلكون وهوي ما اقصر وقفة وزت رسائل ويلي بدكن يا وانا ما عاطيتو وجه بس يا جماعة ما مشان شي بس لانو كان في سبب كتير خلاني ما حطو براسي وانا كنت حاطة براسي ما بدي علاقة كيف ماكان وضيع وقتي وعمري مع شب وبالاخير كل واحد منا بطريق
السبب يلي ما خلاني اني ارضى فورا اني احكي معو كان انو هوي من دين وانا من دين تاني يعني هوي مسلم وانا مسيحية وهيك مرت الايام ورا بعضا وهوي ما بطل مراسيل وانا قلبي كل مالو عم يدوب علي ويوم ورا يوم وانا م حبو اكتر بعدين استسلمت وحكيت معو تلفون يعني وقعت السنارة ههههههه
بس انا مع هيك قلبي ع يحترق انا بحبو كتير وهوي فتى احلامي بس مع هيك انا مافيني انو خون اهلي واني اعمل فيهن هيك قصة كبيرة
بيوم من الايام قلتلو اني انا خلص صار لازم نترك طبعا هوي معد يعرف شو يعمل لحتى خطرت ببالو فكرة ما بتخطر على بال حدا لحتى ارضى اني كفي معو قلي وهوي اكيد كان عم يتخوت علي انا مسعد اني صير مسيحي من شانك انا وقتا قررت اني ما اتركو ابد وكنت مقتنعة اني ازا طرحت الفكرة قدام اهلي رايحين يرضو
وهيك قضينا ست شهور بتجنن ومن احلى ايام العمر يعني شو بدكن بالحكي اي ما في احلى من الحب
وبعدين وبعد انا ما تعلقت في كتير قلي نحنا علاقتنا كتير جدية لهيك انا حابب اني قلك انو انا ماني مقتنع بدينك فانتي لازم تقنعيني في لان الشغلة مانا لعب ولاد زغار في عنا بالايام ترباية ولاد ومية شغلة رح تخلينا نختلف قلتلو صح واتاكدت لو انو مانو حابب تكون حياتنا كتير ناجحة ما بيحكي اد الحكي قررت اني اقنعو بالدين المسيحي وجبت كل شي حلو بحسو في بس ما اقتنع لانو اكيد مافي شي بيقنع ووقتا صار هوي يجبلي ادلة عن دين الاسلام والاعجازات وفيديو للشيخ احمد ديدات مناظرات وضلت هالشغل حوالي ست شهو ر وبعد تفكير طويل وبعد سيول دموع معد في مجال للحكي قلبي صار معبا محبة للاسلام وبقلبي كل يوم عم قول الشهادة
واجا اليوم المنتظر
بليلة من ليالي الربيع الحلوة كان 8-5 -2000 الساعة 11
نطقت بالشهادتين وصرت من المسلمين والحمد لله وانا كتير بعتز بهالليلة وزوجي حبيبي كل سنة بيحتفلي فيا بقلي هاي ليلة عيد ميلادك ومن بعدا التزمت انا والحمد لله بالصلاة ليوم ما عرفو اهلي بشوي من القصة بس عرفو انو في علاقة انا وابن الجيران طبعا كانت قصة للجنان بنتنا الفهمانة والواعية يطلع منا هيك ما عرفو انو كل تصرفاتي كان فيا وعي ورب العالمين هوي يلي كان عم يمشي القصة اي بعد ما عرفو داقت خلاقي كتير من لوضع ومعد في حل غير اني اتزوج انا وحبيبي وكان اليو م الموعود
طلعنا انا ويا وكتبنا كتابنا وتزوجنا وليكنا والحمد لله زوجين حبيبين بعد9 سنين الحمد لله مشاكلنا متل بية الناس يعني ملح الحياة صبرنا مع بعض وتحملنا بعض لانو بالنص كان في شي اسمو حب موبس محبتنا لبعض كان في محبة الله ومحبة العيلة وانو نكون عيلة حلوة عايشة برضا الله طبعا صار عندي بنتين شهد وختام الله يعينا على تربايتن تربية اسلامية صح وبس هاي هي قصتي بتمنى يكون دما خفيف عليكن والعذر على اسلوبي يمكن كانت بتطلع كتير احلى بغير اسلوب
والسلام عليكم ورحمة الله وبركاته يا حبيباتي