قصة وعبرة

مساء الخير يابنات
اليوم جايبة لكم قصة وقفنا عليها انا وزوجي ، اتصل على زوجي خاله الرجل وكان رحمه الله فاضل ومهاب وقاللزوجي تعال ضروري، يوم قابله قال شوف ياولدي اللي سووه في وكان مزوج بنته لواحد قريب للبنت
المهم قال عسى خير ، قال هذا فلان عذب بنتي ويضربها ورماها عندي ولاشافت عيالها ثلاثة اشهر
قال زوجي طيب والمطلوب الان وش هو قال يرد الاولاد لامهم وباقي حقوقها قال ابشر ياخال .
زوجي محامي وراح لهم ، الزوج وابوه يعرفون زوجي كلمهم بالود وقال انا جايكم قالو حياك الله .
يوم قابل الزوج يقول كان رجل بماتعنية الكلمه وطيب ولايلف ويدور قال لزوجي ابشر بكل ماتطلبة انا موافق بكل شي مقدما قال زوجي ، ارجع الاولاد لامهم اولا وتجيني بمكتبي ونحدد النفقة
جاء لمكتب زوجي ثم جلس يحكي لزوجي المعاناه يقول تفتعل المشاكل 7 سنين مارتحنا ولم اعرف الراحة ولم اعرف السبب.، لكن بعده تاكدت انها تريد السيطرة علي واخواتها من وراها وحاولت اتفاهم واحاور ولكنها متمسكة واخر الامر ذهبت لاهلها مع اخوها بدون علمه وحشدت الجميع ضده وقالت خاين وكل واحد يقول طلق ولم ارد عليهم انتهى الوضع طلقها وهو ساكت ، والاخت لم تعلم ، وتلاحقة وتاذيه، ولما علمت جلست تبكي وترسل اخوها لزوجي يعيدها وكلمه زوجي ولو من اجل الاولاد الثلاثة فقال بنبره المعاناه اعوذ بالله منها ولم يزد عليها ، واعترفت لاهلها وعلموا اهلها انها كانت كاذبه وقالت لهم بعدها والله انه نادر وطمعت اسيطر عليه
الولد ظابط وللان يتواصل مع زوجي وراح لزواجه من الثانية وبارك له .
العبرة :
تناقشنا انا وزوجي وقال لي معقول فيه مجنونة تفعل مثلها ، تخسر بيتها وزوج مايتعوض وعيالها ، وعز ومكانة اجتماعية وتنازعه حق له وفي بيته ، تمرد على قوانين وفطرة الله، ماتعتبر ، تاركة مسؤولياتها وقاعدة لزوجها، وتلاحقة من كل مكان تصادمة وهو غافل ، اعطا الثقة، وتتهمه بعدم الثقة.
بعدين كيف تقبل الزوجه ان زوجها مسيطر عليه ، هين في عيون الرجال لماذا وين العقل ، المفترض هي تمدة وتكون سند معه تصل به معالي الامور.، موتنشب في حالة تخرج له مشاكل وتنكد وتجعله ألعوبه وتستعين حتى بالاغراب لأذيته
مثل هذا مسؤل المفروض يرتاح وله وضع ثاني
والله يقول لزوجي انام احيان برى من الزعل واحيان اروح لامي انام عندها.
صراحه يابنات انا اخذت الدرس من قريبتي هذه وكانت عندي شي، واستبعدنا انها تصل للمواصيل هذي بعدها قلت الحمد لله على النعمه بنات ماليه البيوت ومافي الكفو الا قليل وهذي ترفس الخير شي غريب السيطرة ممتعه للنساء للدرحة هذي ، وتعدلت وتبت لله
زوجي تاثر ليلة قابله ، رجع للبيت يتحضن عياله وحزنان ، قلت له لاتشيل هم انا اكفيك فيهم ، انت شوف شغك وتدابير بيتك وقرر ورتب امورك وانا معك بدعمك مايفرقنا الموت.، ولاتدخل بشي ، يدمر بيتي والان انا وزوجي، ننعم بالراحه والاستقرار والامان، مر زوجي بعدها بابتلاءات وكنت معه اهلي قالو تعالي عندنا ، قلت مستحيل ، كيف اتركه مريض واذا تشافى ارجع له، ليه وجهي مغسول بمرقه .
الان زوجي لو يعطونه اجمل نساء الدنيا مايلتفت ويموت فيه .
والحمد لله على كل حال