حبايب قلبي بنااااات منتدى حوااااااء الحلوات وحشتوني كلكم جيت لكم من بعد غياب اسبوووووووع باحلى خبر
خبر ولادتي وانجابي لاحلى جوري في الدنيا>>ربي لا يحرمني برها
وجايتكم اقولكم قصة ولادتي السهله جدا جدا جدا
طبعا اغلبكم يعرف انهم كانوا محددين لي قيصري يوم 5رمضان>>يوم السعد والهنا
وانا رحت لهم برجولي مسميه ومصليه وصايمه يارب لك الحمد
المهم رحت على موعدي صباح يوم الاربعاء 5رمضان الساعه 9الصباح
وطبعا زوجي كان حاجز من الليل غرفه مفرده باسمي بقسم النساء والولاده بمستشفى عرفان بجده
دخلوني غرفتي على طول كان معايا زوجي بس ربي لا يحرمني منه وكنت جايبه معي الاغراض اللي بحطها في المستشفى المهم رتبتها وكل شي وزوجي ماقصر طبعا علق الزينه وصورها كمان00
المهم جت الممرضه واعطتني اللبس حق الولاده من روب ابيض وغطاء الشعر وكلوت الولاده
وقاستلي الضغط والوزن والحراره وبس وشبكولي الابره بايدي اليمين حقت المغذي وكده ومشت الساعه الين صارت تقريبا 12 الظهر وقتها حسيت انه الفرج قرب لانه الدكتوره قالت بتجي على الساعه وحده ونص الظهر وتولدني000
بس تاخرت وانتظرت ماما تجيني وفعلا جت امي الله لا يحرمني منها عالساعه وحده ونص والدكتوره جات بس يعيادتها تحت تكشف عالحوامل وانا انتظر يارب لك الحمد00
المهم يوم جت الساعه 2 وربع الظهر دخلوني جناح التوليد و قتها حسيت قلبي يدق بسررررررعه
وزوجي كان يبغى يدخل معايا بس يوم شافوا امي قالوا امها افضل تروح معها وهو مسكين فضل برااا المهم دخلت وحطوني بغرفه بجنبي وحده حاطين لها جهاز تخطيط قلب الجنين وهي لسه بالثامن المهم امي والحرمه يسولفوا وانا بس ادعي واستغفر وربي اني افتكر بنات التجمع اللي انا مشتركه فيه وبنات تجمع رمضان وادعي لهم بالاسم00بس حسييييييييت انهم طولوا وبدأ قلبي يخفق بسرعه وقلهم ابغى اروح الحمام يقولولي انتظري شوي وبنحط لكي القسطره وسوي براحتك>>ههه عاد انا استحيت
المهم امي قالتلي يا بنتي صدقيني ماراح يولدوكي الا عالساعه 3 العصر بالضبط وصدقت امي ما كذبت فعلا الساعه 3العصر جوا الممرضات وسحبوني على غرفة الولاده ونقلوني عالسرير
وبس انا الحمدلله ادعي واستغفر ومرتاحه امي واستودعتني عند الله وراحت بره وبس جت دكتورة التخدير وقالتلي اجلسي عشان تعطيني ابرة البنج النصفي واللي هي بظهري انا وقتها خفت لاني ما احب الابر فعاد كيف ابره وبظهري يارب اجرينا بس جلست واستعديت وحطت اصباعها بنص ظهري وضغطت بقوه وقالتلي هنا بيكون مكان الابره وقالت انها بتعطيني بنج موضعي اول وبعضها ابرة البنج بس انا خذيت نفس وشكت هذيك البره حسيت بنغزه شوي 
قويه وشديت نفسي شوي وهي قالت لااااااااااااااااا حاولي ترخي نفسك عشان لا تتألمين وبس وقتها حسيت بمويه تنرش جوها ظهري في العمود الفقري وبعدها حسيت بحاجه تدخل جوا بس مثل التخديييييييير ماله اي الم جانبي وبعدها بثواااااااااااااني حسيت بمويه حااااااااااااره من ناحية رجولي وقلت للدكتوره قالت خلاص اعطيتك ابرة الظهر واتبنجتي والحمدلله وجابت بعدها قطعة ثلج 
وصارت تمشيها على جسمي وتقولي فين تحسين بالبروده وبعد شوي حسيت بدووووخه والدنيا تلف فيني وقلت للدكتوره قالت عادي مع البنج وعطتني كمامة اكسجين ومن شميتها وانا في سااااااااااااااااااااابع نومه وما صحيت الا الساعه 4 العصر على صراخ بنتي والممرضات يقولون لي مبروووووووووووك جبتي بنت وانا مو مصدقه اقلهم كيف متى سويتوا العمليه ومتى ومتى الا وهم يوروني شاشة تلفزيون فيها بنتي وهم يقطعون لها الحبل السري وانا عيني على عضوها التناسلي ابي اتاكد انها بنت من كثر ماسمعت عن هاللخبطه بنت بنت وتجي ولد بس الحمدلله كلهم كانوا جنبي يقولن جبتي بنت مثل القمر:27:0000عاد انا تشققت من الفرحه وحمدت الله كثيييييييير انا انا وبنوتي بخير يارب لك الحمد00
بس وبعد شوي الا هما لافينها بشي ابيض وجايبينها لي وحاطينها على صدري
والممرض يقول لهم شيلوا الكمامه عنها خليها تبوسها وااااحبي له هالفلبيني حنون عشان انا معطيته الكاميرا يصور بنوتي الا هو جي وبيصورنا مع بعض انا وهي بجد حركه تجنن منه00المهم خذوها وانا ودوني غرفة الافاقه وجلست ساعه وانا متملله ابي اروح اطلع لاهلي اطمنهم عليا وهما يقولون لا مدام لازم يفك البنج منك وتحسين بشوية ألم وبعدين نطلعلك عشان نطمن انه كل شي تمام وبس فعلا خلوني الين الساعه 5العصر وطلعوني بعدها على غرفتي لقيت زوجي واخته بنتظروني و امي ياعمري لها قالولها اني ما بطلع الا عالمغرب فراحت البيت تعبي فطور لابوي واخواني ربي لا يخليني منهم بس الحمد هذه قصتي والحمدلله مافيها اي تعب ولا الااااااااااام ولا اي والحمدلله00
وترى انصح كل اللي يولدون بعملية البنج النصفي راااااااااائع راااااااائع بمعنى الكلمه واروع واحسن وافضل الف مره من البنج الكامل00 انا ولدي الاول جبته ببنج كامل بجد فرق شاسع الحمدلله هالمره من يوم قمت من البنج الالام جدا خفيفه ولا كحده ولا بلغم ولا اي مشاكل والحمدلله بجد النصفي نعمه مررررررررره00
واسفه مره طولت عليكم بس حبيت افوت اي شي مر علي في هذاك اليوم الحلو يوم قدوم اغلى البشر
(((جوري)))حبية امها وابوها ودلوعة فوزي اخوها00000000
دعواااتي للجمييييييييييع ولكل حامل انه ربي ييسر امركم ويرزقكم الساعه المفترجه00
ويتم علينا الشهر بالخير والبركه يارب00
ويرزق كل محرومه ياااااااااااااااااري ويعوض كل ام فقدت جنينها بطفل احسن منه والله لا يحرمنا الاجر والعافيه00
مع السلامه
ودعواتكم لي بانه ربي يرزقني بر فوزي وجوري ويحفظهم لي ويهديهم ياااااااااارب00
الله يرزقك بر اولادك