قصة ولادتي

مساء الخير
شكرا لكل اللي ردوا على بموضوعي الأخير
راح أحكي لكم قصة ولادتي عشان لا تغلطوا غلطتي ... أنا نزلت علي الموية الساعة 7:30 الصبح ومارحت المستشفى أنتظر يجيني طلق بس كان عندي ألم بسيط فقمت أمشي وهذي غلطتي الثانية لأنه الموية صارت تنزل بشكل كبير ... وانتظرت للساعة 2 الظهر وقتها رحت أقرب مستوصف وكشفت علي قالت الرحم مفتوح 1 سنتي وسوتلي تخطيط لنبض الجنين وطلع مو منتظم ... فقالت لي روحي لمستشفى الولادة يعملوا لك طلق لأنك تأخرتي ونبض الجنين مو منتظم فرحت على طول وعملوا لي فحوصات وتحاليل وعطوني ابر مضاد وعطوني تحميلة طلق وبعد 8 ساعات كشفت على الدكتورة قالت لسه 2 سنتي وبعد كذا حطوا لي طلق وصاروا يزيد الجرعة والرحم يفتح ببطء الساعة 4 كان لسه 4 سنتي والدكتورة مستغربة وصارت تزيد الجرعة اه الساعة 5 بدأ يزيد الطلق بعدما حطوا لي 6 سقايات مغذي واكسجين والحمد لله ولدت وجبت ولد بعدما شفت الموت من الطلق وتعسرت ولادتي وخيطوني والحمدلله ع كل حال ...
طبعا خلوني بالمستشفى 3 أيام لأنه المويات نزلت بدري وخافوا أنه البيبي يجيه التهابات او بكتيريا وصاروا يعطوه مضاد ...