قصة ولادتي المحزنه

:06:قصتي قصةعذااااااااااااااااااااااب لكن الحمدلله على كل حال
دخلت في نص التاسع وقالت الدكتوره لازم نولدك لان البيبي مايقدر يجلس اكثر من كذا لانه تعبان في قلبه (ضمور في القلب وثقب ووالبطين الايمن متشوه والصمام مو موجود وفيه مويه حول القلب)
وحددت لي وقت التنويم عشان الطلق الصناعي وكان يوم الاحد قلت لها الله يعين
ويوم الجمعه كنت بروح عند اهلي وقلت لزوجي لما نقرب من بيت اهلي بأنزل امشي لحد البيت قالي طيب ونزلت وانا شاااااااااااااده حيلي في المشي وكانت هناك مفاجئه مخيفه بنسبه لي
وزوجي ميت من الضحك عليه وقرب مني وقالي يا ......... في كلب بجنبك وانا اصيح وارجع السياره جرررررررري وما كأني حامل ورميت نفسي في السياره بقوه نسيت اني حامل ,ودخلت بيت اهلي وانا تعبانه ماني قادره اجلس طبعا في العصر
وابغى اجلس اسولف مع اخواتي بس ما اقدر اجلس حتى لو دقيقتين على بعض وصلاة العشاء ماقدرت اتحمل دقيت على اختي وقلت لها تعبانه بس الطلق مو مستمر قالت روحي بسرعه المستشفى ودقيت على زوجي وقلت له يجي انا تعبانه مسكين خاف وجاء بسرعه وفتحت الباب بخرج وزوجي نزل من السياره وخايف علي وعلى باله اني ما اقدر امشي تفاجئ اني نازله الدرج وعلى رواااااااااااااقه وركبت السياره وسلمت عليه وجالسه اسولف واضحك واتريق زوجي استغرب وقالي وش رئيك اوديك البيت شكلك منتي تعبانه قلت له لا انا تعبانه وشوي اقوله الله القمر يجنن شوف شكله
والتفت عليه واعطاني نظره ثاقبه وقال اقولك ترى ماعندك ولاده بس بيعذبونك قلت انا اساسا ماني حاطه في بالي ولاده بس ماني خسرانه خليني اطمن ولما وصلنا المستشفى ودخلوني كشك الولاده ولبست لبس العمليات وكشفت الدكتوره وقالت عندك ولاده وطلق بارد والرحم مفتوح 4س وانا ابكي من الخوف واقولهم دخلو زوجي وبعدها قالت الدكتوره امشي قريب من الجناح وانا ماصدقت ومترت المستشفى كله وخليت زوجي يصورني بالجوال وشوي احس بالراس نزل مررره وارجع الجناح والممرضات خاصموني وقالو كنا ندور عليك وين كنتي وجابو الدكتوره وكشفت عليه وطلع مفتوح 6 س وشوي انفتح 7 وبعدها بدات معاناتي الدكتوره الله يسامحها مستعجله واعطوني طلق صناعي وصرت ابكي واذكر الله واتقلب من الوجع وفتحت لي كيس المويه وشوي الا الجنين بدا الاكسجين ونبضات القلب قلت ونقلوني على العمليات وبعدها تفاجئت ان بتتي تعبانه في الرئه ومعتمده على التنفس الصناعي ماتقدر تستغني عنها وعذبوها
تخيلو جلست 11 يوم في العنايه وتوفت الله يرحمها آآآآآآآآآآآه انحرق قلبي عليها ماقدرت ابوسها واحضنها الا لما جابوها عندي في البيت عشان اودعها
كنت كل يوم اشفط من صدري واحطه في علب واوديه لها واجلس عندها وقبل وفاتها بيوم كانت تطالع فيني انا وابوها نضرات غريبه كانها تودعنا
ولله ماني قادره انساها الله يعوضني خير يارب تؤم بنت ولد
الفراق صعب يابنات نفسي اجلس معاها في القبر عشان ماخليها لوحدها آآآآآآآآآآآآه ياربي عوضني خير