قصة ولادتي المحزنه

السلام عليكم

:39:

اللهم لك الحمد ولك الشكر ولدت وجبت ولد هو دنيتي كلها الله يحفضه ويصلحه ويرزقني بره ولايحرمني منه.. اللهم امين

اول شي كان موعد ولادتي يوم 20 /4
وولدت يوم 20 /4

بسرعه ماعندي وقت والله يعينكم على الخط ترا داعسه 280 كيلو يالله انطلااااااااااق
طبعا بكريه وكل ماجتني الام اسأل وماشاء الله ماقصرتو بدت اعراض الولاده يوم السبت كنت بفتح ملف فمستشفى الولاده

بالمساعديه وتعبت على بال مافتحت الملف وظهري من الالام احسه بينقسم نصفين وانا مو من جده ورجعت ديرتي وطول

الطريق بموت من ظهري واصبر اقول هذه من كراسي المشفى ومن مقعد السياره واول ما وصلت البيت نمت من التعب وصحيت وادهن بزيت الزيتون مع حبة سوداء وارجع انام واصحى ثاني يوم والوجع يجي ويروح (( مسكين حالي ما ادري ان هذا طلق ))وصبرت يوم الاحد الوجع خف شوي ودخلت بتوضئ لصلاة العشاء ونزلت نقطة دم ومن الخوف كملت وضوي وصليت العشاء ودقيت على امي وتقولي بسرعه روحي المستشفى واقولها لا مو تعبانه والدم قليل قالت لي رووووووووووحي وعصبت علي وجاء زوجي من الصلاه نسيت اقول توي مسويه العشاء وطفيت عنه ربي اراد ان ما اتعشي يعني مو مكتوب لي وادخل الطواري في مستشفى المنطقه والاقي دكتور واسأل زوجي قال روحي اكشفي
لاني مضطره ويلاقي الرحم مفتوح 3 ونص وقلت بولد بجده وقالي خلاص روحي اليوم ضروري لا تقعدي لبكره المهم شاف رجولي متورمه والضغط عاااااالي وقالي لا تروحي البيت روحي جده الحين المهم انا اسمع كلامكم حبايبي ان البكر تطول ما تولد بدري وارجع البيت واخذ دش دافئ واكلم امي وجوعااااااااانه سويت حليب وسندوتش وقلت باخذها معايا
وسواليف انا وامي وزوجي وضحك وامي شافتني اكل وقالت لي لا تاكلي شي مو زين لك انتي عندك ولاده لازم تكوني صايمه عشان ما استفرغ وانا ميته جوووووووووووووع شربت الحليب بس ووصلنا مستشفى الولاده والطامه الكبرى قالت لي اذا بتولدي عندنا الحظانه فيها مكرووووووووب وفيه اطفال ماتو اذا طفلك احتاج الحظانه خلي ابوه ينقله مستشفى ثاني (( يالهوي يالهوي قلت مستحييييييييييييل )) واخذا اغراضي وادور مستشفى قريب رحت مستشفى الملك فهد قالو من قالكم عندنا كشك ولاده هنا ولاده مافي يارب رحمتك واروح مستشفى الجامعه وكشفت علي الدكتوره تقولي ممكن تروحي تمشي شوي وترجعي وقعنا على خروج على مسؤليتنا لانه طلع خاص وما اقدر على التكاليف ورحنا الجامعه الحكومي والله لايوريكم زبااااااااااله وزحمه وغثا وقلت مستحيل اولد هنا وبعد هذا التعب كله ارجع ديرتي تبعد ساعه ونص وبدا الالام معي ومن كشف الدكتور نزل الدم وبدأ يزييييييد وبكيت واتألم وارقب الكيلو كم باقي على بال ما نوصل وحملت بالجوال سورة ياسين وطول الطريق وانا جالسه اسمعها
وصلنا الحمدلله ومن الالام موقادره انزل من السياره مو قادره اطلع العربيه الم فظهري فضيع واول ما دخلت الكشك قلت ولاده وبكريه واخل عليهم 4 الفجر وطبعا كشف رجال دكتور ثاني ويحطو المغذي وتخطيط الطلق والم واقولها اعطيني مسكن وحطت لي كمام الاكسجين وابره والالام نفسه ما تغير يارب رحمتك وانام شوي واصحي وجاتني الدكتوره الي بتولدني وتقراء علي ايه الكرسي والفاتحه وتنفث علي يازينها زيناه احسها هديه من رب العالمين الساعه 10 وصل حبيبي للدنيا وماسمعت البكاء وجالسه اتلفت ادور عليه وشفتهم ينظفونه وبكاء ياعمري عليه وجابته لي وقالت لي صبي ويالله عطيه بوسه اه احلى لحظه يوم بوسته وشميت ريحته تجنن وللاسف دخل الحظانه كان عنده ازرقاق بالفم قال الدكتور كان شارب شوي من الماء ومتبرز شوي وجلس اسبوع بالحظانه وبالقوه خرجناه مو قادره اصبر على بعده وحولوه جده لاجراء فحوصات وتخطيط للقلب عشان نطمن زياده وحتى ما يرجع الزرقان والحمد لله رب العالمين طلع سليم مافي الا العافيه اللهم لك الحمد ولك الشكر وهو الحين عندي نايم خلصت الاربعين يوم الجمعه :icon33:كانت دخلتي والحمدلله عدت على خير:)

جالسه اكتب قصة ولادتي الحمدلله اني كتبتها وخلصتها باختصاااااااااار وكاس النعناع عندي وطفلي نايم وفعلا الحياة
تغيرت بعد المولود الجديد ما عندي وقت اجلس ع النت وقتي مزحوم الله يعين على شغل البيت وطلبات الزوج.:arb:...

الحمدلله رب العالمين

استغفرالله واتوب اليه
استغفرالله واتوب اليه
استغفرالله واتوب اليه