قصة ولادتي بأول رمضان مليئة بالمغامرات لكن التساهيل من رب العالمين

السلام عليكم ورحمة الله وبركاته،،،،

حبيت اقوللكم قصة ولادتي اللي كانت بالنسبة لي مثل الحلم سبحان الله لين الحين مب امصدقة ولي 12 يوم من الولادة........

بالبداية اول بوم رمضان وانا مستانسة لأني بصوم واتسحرت مع زوجي رز برياني ربيان معني مااحبه بس مااعرف ليش كلت وبعدين نمنا وزوجي سار الدوام وانا كانت عندي إجازة مرضية لأن اليوم اللي قبله كان عندي تخطيط قلب وكان في تقلصات عشان جي عطوني إجازة المهم.........


اول يوم رمضان كنت صايمة والساغة 11 اجوف اييني ويع غريب مرة وحدة يمسك من تحت علمكم بكرية وماتعرف شيء :hahaha: وغبر جي اصلا كان بطني ايمشيني كم مرة إٍسهال وانا اكلم اختي على الماسنجر اتقولي يمكن ولادة اقوللها لا يمكن من الاكل اللي كلته وهي مصر وانا اعاند واستمر لين الظهر وقالتلي قولي حق ريلج ايوديج المستشفى وانا مااعرف شو اسوي سرت جهزت عمري واتسبجت بماء دافي وسشورت شعري هههههه متفيقة صدق لأن ويعي بارد وايد وبعدين يا زوجي وقال يللا انسير ومريت بيت قم امي وخذت زنجبيل مع جرفة وسرنا المستشفى وكان الويع مستمر ومنتظم قلت عيل هذا هو ويوم جيكوا...... قولوا ماشاء الله كان مفتوح 5 سنتي وانا ماكنت اعرف وخفت بنفس الوقت قلت ياويلي عيل السالفة صدق وهي ولادة وعلما هذا اليوم قبل موعد ولادتي ب 10 ايام وانا بكر فمحد متوقع اني اولد قبل ومحد ايعرف من اهل زوجي

وودوني غرفة الولادة وبعدين تميت اعاني من الطلق بارد وايد وقالولي لازم نعطيج ابرة مضاد في المغذي لأن في التهابات وهاي اتضر البيبي ووقت الولادة لازم يعطون ابرة مضاد ومفعولها 4 ساعات لين مايخلص والماء بعد مانزل واتريا ايبطونه بس هم مايبون ايولدوني يبون مفعول المضاد ايخلص واتأخروا علي لين ماحطولي الابرة بسبب نقص في الموظفين لأن رمضان وفي ماشاء الله كثير ولادات بهذا اليوم الفضيل

وضربوني الابرة وتمتت اعاني من الطلف بس انا كنت آخذ نفس عميق والحمد الله كان ايريحني وبعد ماخلص مفعول الابرة بطوا الماء واهني بدا الويع ايزيد وايزيد وتميت ساعتين وفتح عندي 10 سانتي ماشاء الله والحين ولادة وانا قبل مايفتح عندي عطوني ابرة مسكن في الفخذ وياليتني ماخذتها اكرها هاي الابرة اللي تعبتني وخلتني بالاخير مافي شدة لأنها اتدوخ واتخليج اتنامين وراسج يستوي ثقيل وايد وانا احس خلاص مرهقة جسمي تعبان وهم ايقولون يللا شدي راس البيبي بيطلع وانا وين خبر خير مافي حيل ابا ارقد :hahaha: كله تأثير الابرة والله :mad:

وبعدين هم ايحاولون ويت دكتورتين ومافي فايدة وبالاخير استأذنوا من زوجي ان يشفطون بنوتي الحلوة لأن انا تعبانة ومافي شدة معنه ماشاء الله كل شيء كان عندي تمام الرحم مفتوح وراس البيبي تحت ماشاء الله بس انا تعبت خلاص وزوجي وافق عشان ارتاح انا وترتاح بنوتي

وبعدين بالاخير هم ايحاولون اني اشد وانا حاولت وحاولت واشوي شفطوا ويت بنوتي على نور الدنيا وسبحان الله شعور غريب وحلو ومخيف مااعرف كيف اشرح :35::04: وحطوها على صدري وانا قلبي يخفق مني فرحانة ومني خايفة ومب امصدقة اني ولدت وافتكيت واحس اني مب ويا الناس في عالم الثاني

وبعدين نظفوا الرحم والمشيمة نزلت وبدت الخياطة واشوي اشوي ارتحت وودوني غرفتي

وهذي قصة ولادتي مليئة بالمغامرات بس والله التساهيل من رب العالمين وانا طول الوقت استغفر وماكنت اصارخ اصبر عمر ي والحمد الله الله سهلها وعقبال البقية وادعوا لبنتي بالصلاح والهداية
:39: