قصة ولادتي بالطلق الصناعي

السلام عليكم ورحمة الله وبركاته
انا كنت بكريه واشكي لكم همومي ومخاوفي من الولاده. لكن ولله الحمد ولدت طبيعي وجبت احلى وسام لكن تعالو شوفو غلطتي اللي ما انساها طول عمري
في البدايه انا كملت التاسع واخذت يوم من العاشر وقمت ابحث في المنتدى عن طرق التحريض ولقيت زيت الخروع وصيت زوجي في الزيت وجابه يوم الاثنين 21/7 المهم فكرت وفكرت وقررت اشربه وشربت يوم الثلاثاء في الفجر
طبعا ماحسيت بشي رحت نمت والساعه 9 الصباح رحت الحمام الله يكرمكم اسهاااااال وجاني الاسهال 3 مرات بعدها نزل شيء مخاط وخيوط دم طبعا عرفت انها سدادة الرحم وفرحت كثيرر »لسى ما شفت شيء

بعدها جاني طلق خفيف »محتمل
وفي العصر كان الطلق خفيف وتسرعت ورحت المستشفى قالت لي مفتوح 2 ونص وقالت ارجعي البيت
بس انا ما ارتحت ورحت لدكتوره ثانيه» ياليت ما رحت عندها
قالت مفتوح 3 سم ونص وقعدت تقول لزوجي خلاص خلوها هنا نحطها بالتنويم وانا سبحان الله ما ارتحت بس زوجي وافق قال خلاص تنومي عشان تولدي اليوم

ووافقت وحطوني بغرفه لوحدي وعطوني مغذيه » اه كلها طلق وانا غشيمه موت احسبها ابره تهدي الالم

وجاني ذاك الالم وزوجي كل شوي يجي عندي وانا اتألم مووووت من الطلق والرحم مارضي يفتح غير 4 سم وقعدت لين الساعه10 بالليل اترجى الدكتوره تشيل المغذيه بس قالت خلاص قربت الولاده وكشفت علي وقالت مفتوح 8 يالله ولاده والحمد لله كانت لحظة طلوع الراس هييييينه بالنسبه للطلق @ وشرف ابني » وسااااام

ونصيحتي لكل بكر لااااا تستعجل على الولاده والله الحين ظهري احسه مكسور ما اقدر اشيل نفسي من الطلق الصناعي »حسبي الله ونعم الوكيل
تكفون ادعولي اقوم بالسلامه في اسرع وقت