قصة ولادتي 😢في مجمع الملك فهد ....بكريه

السلام عليكم ورحمة الله وبركاته
كيفكم ياحلوووات



اليوم بقول لكم قصة ولادتي الي كانت في المجمع الطبي للملك فهد
كنت بكريه وقربت اخلص شهر التاسع كنت قلقانه وخايفه بشكل كبيير
حددت لي الدكتوره موعد الولاده في تاريخ 6/3 بس كنت ابي اولد قبل هل فتره من الشهر السابع امشي ثلاث ساعات في اليوم اطلع انا وزوجي الحديقه وامشي لين احس رجولي معد تشيلني كان عندي مراجعه عند الدكتوره مريم الخالدي في المجمع الطبي واليوم الي قبل هلكت نفسي من كثر الشغل في بيتي لاني راح اقضي نفاسي في بيتي لا احد يستغرب اني بكريه وبولد بعيد عن امي لانو اختي الكبيره راح تجلس عندي المهم مانمت الا الساعه 1 وصحيت الفجر اصلي ورجعت نمت لساعه 6 صحيت علئ الالم في اسفل بطني وظهري توقعت انه الالم طبيعي حاولت انام بس ماقدرت كل شوي يزيد الالم شغلت الجواب علئ سورة مريم والالم لسه ماخف حس علي زوجي وقام سالني وش فيني قلت له الالم في بطني واسفل ظهري عاد هو وقتها الابتسامه شقت وجهه :02:
وانا ميته خوف والالم المهم اختي الي راح تكون عندي فترة نفاسي ترسل لي علئ الواتس تقول حاسه انك قربتي قلت لها لا ماتقولو البكريه تطول المهم زوجي من السعاده يبيني اولد قام وصلح لي حليب مع عسل الالم صار كل 7 دقايق مراجعتي كانت الساعه1 الظهر لمئ شافني خلاص معد اقدر استحمل والالم كل شوي يزيد قال تجهزي بوديك الطواري انا هنا صار وجهي كذا :06::06:
المهم تجهزت وتوكلت علئ ربي وهنا حسيت اني خلاص مارح ارجع البيت مره ثانيه الا والنونو معاي
قبل اطلع اقول استهبل علئ زوجي اقول لا تقفل المكيف يمكن ارجع ابي الاقي الغرف بارده 😁 المهم رحنا المستشفئ وصلت هناك الساعه 12 ونص لسه علئ موعدي نص ساعه قلت يالله خلني اروح لدكتوره يمكن ماتطلع ولاده المهم في الصباح كنت امشي لاني بس اجلس يزيد الالم وهذا الشي ساعدني في فتح الرحم
وصلت عند الكشفيه كانت سعوديه قلت لها اني احس با الالم في بطني وظهري قالت انتي في التاسع قلت ايه اخره خاصمتني قالت روحي اطواري بسرعه وحركتها هذي خوفتني زياده المهم رحت الطواري ودخلت غرفة الكشفيه وطوال الفتره هذي زووجي مستانس وبس يضحك شافت نبضات الجنين وكان الطلق كل شوي يزيد علي دخلت الدكتوره وشافت لرحم طلع فاتح 2 ونص وماشي علئ الثالث قالت لي انتي خلاص علئ وجه ولاده لازم تنويم هنا الدموع اخذت مجراها 😭😭😭 وزوجي بس يهدي فيني طلعت غرف التنويم
اعطتني الممرضه قميص وردي البسه المهم زوجي قال انا راجع البيت ووقت الزياره راح اجيب لك اغراض البيبي واغراضك بعد الزحمه هذي كلها وصلت الساعه3 وخف الالم شوي قلت شكله خلاص مافي ولاده قمت صليت العصر كنت حريصه انه امي ماتدري باي شي ما ابي اقلقها فديتها علئ الساعه4 وصل زوجي معاه الاغراض جلس ساعه بعدين جت اختي عندي كانت جايبه معاها حليب وتمر
جلست ساعه بعدين طلعت رجع زوجي عندي رجع الالم بس كان بزياده انتهت الزياره وطلع زوجي كانت معاي في نفس الغرفه حرمه طلعت انا وياها نمشي في الممرات شوي وصلت الساعه 12 رجعت الغرفه هي نامت وانا كنت امشي والله امشي ودموعي اربع اربع
علئ الساعه 1 معد اقدر استحمل جت الممرضه عندي واعطتني اكسجين تقول عشان البيبي وانا بس اصارخ الدكتوره جت شافت لرحم طلع فاتح 7 وقتها قالت يالله بسرعه غرفة الولاده نزلت الساعه 1 المهم في هل فتره والله احس اني راح اموت من الخوف ارسلت لزوجي رساله ما اذكر وش كتبت بس يقولي بعدين يقول خايف ومتوتر ورسالتك خوفتني زياده المهم علئ الساعه 2 انفكت المويه وخفت زياده المهم شافت لرحم طلع فاتح 9 الالم هذا كله بدون مسكن ولا شي الله يكتب اجري المهم علئ الساعه 4 قالت يالله دفي راس الجنين واضح جلست ساعه احاول ادف في الاخير قالت دفي ولا لازم نشفطه عشان لا يختنق انا هنا خفت من الشفط علئ الساعه 5 مع اذان الفجر طلع اميري الصغير اذن الفجر من هنا ولدت انا من هنا والله حسيت با احساس ما ينوصف سعاده مع خوف مع راحه اني افتكيت من الكرشه عاد بعدها سوت لي الخياطه كانت رووعه وما عورتني لانو مخدر من تحت



وتوته توته وانتهت الحتوته 😊😊
في الاخير اقول لكل بكريه لا تخافي ولا تتوتري لانو راح تزيدي الالم علئ نفسك
والي عندها اي سؤال عن المستشفئ انا حاضره
المستشفئ كلمة رووووووعه قليله فيه