قصة ولادتي قبل سنه بحكيها لكم

السلام عليكم حبايبي بحكيلم قصة ولادتي السنه اللي مضت كنت بقصها لكم بس والله مرت علي ضروف ومعاد امداني ازور المنتدا
المهم انا كنت حامل وكان وضعي ممتاز الحمد لله كل الاسهر التسعه وفي اخر شهر جهزت نفسي على انا الولاده ممكنه في اي وقت وبالفعل جا وقت الولاده ببدايت الطلق الخفيف اخذني زوجي وطلعت امشي حوالي ربع ساعه بعدها خلاص ماقدرت اكمل ارجع البيت واجهز اغراضي وعلى المستشفى طوالي خشيت على الدكتوره وفحصتني قالت عندك تسمم حمل وهنا كانت المفاجاة وارتفاع ضغط الدم والله يابنات لو تشوفون وش صارلي بعدها قالت لازم تولدين اليوم عشان البيبي مايتسسم وقع زوجي الاوراق وتيسر وانا ودوني الملاحضه قبل الولاده ويعطوني ابره مادري وش اسمها بس انها تسبب حراره وتعرق عن طريق الوريد مضاده للتسسمم وبعدها شغلو التحاميل وقتها انا كنت عندهم الساعه ثمان بعد صلاة العشا على ذا الحال الين الفجر وخلاص بدت الولاده الحقيقيه بفضل من رب العالمين جت الدكتوره وفتحت المويه وبعدها الحمد لله ماطولت وولدت على طول وبعدها ماحسيت على نفسي الا الساعه 2في الليل وبعدين كلمت امي وزوجي وكانوا مره قلقانين لانهم حتى ماودوني التنويم باقي في الملاحضه وثاني يوم طلعوني العنايه المركزه جلست فيها ليله وبعدها التنويم جلست عندهم اربعه ايام والحمد لله طلعت على مسوليتي والا الحين ماني عارفه اسباب التسسمم ولا سبب دخولي العنايه والحمدلله على كل حال
حبيت اقولكم قصتي لاني وعدت بعض الاخوات واتمنى اني ماطولت عليكم وسامحوني