قصة ولادتي والاستغفار ياحوامل لا تنسوا الاستغفار الاستغفااار

السلام عليكم ياحواااامل نحن السباقون وانتو ان شاء الله اللاحقون :26:
انا كان موعد ولادتي 21.12.2007 المهم اجا الموعد وانا ماولدت ودخلت بالعاشر وصرت يوم اي ويوم لا اراجع المستشفى ويعملولي قياس النبض والطلق كان كلشي طبيعي وكان في طلق بس خفيييف جدا المهم اخذت 10 ايام من العاشر وماولدت قالولي خلص لازم نولدك تعالي كان اخر يوم 31 .12 قلتلهم خليها لبكرة اجي عشان ندخل باول السنة ورجعت على البيت وانا محطمة وابكي وابكي بعدين وكلت امري لله وقلت اكيد دعائي مارح يروح جهزت البيت والشناتي وتحممت ورحت بدي انام كانت الساعة 1 باليل فجاة حسيت بمغص قلت هاد عادي كل يوم بحس فيه ولا الالم ضل موجود للساعة 2 وهو كل عشر دقائق بس متحملته كنت شاكة انو هاد الم ولادة بعد الساعة 2 بدا يزيد قلت لزوجي اكسبلك ساعة نوم لانو احتمال هي ولادة عشان تصحصح معي ههههه على الساعة 3 خلااااص تاكدت انو ولادة لانو بيزيد وصار كل 5 دقائق صحيت زوجي ورحنا المستشفى فحصوني قال لسى مو فاتح الرحم ويمكن بدك طلق صناعي واحتمال تطول الشغلة انا انفجرت بالبكاء قلت كل هالالم ولسى مو فاتح ولا سنتي قالولي روحي امشي رحت مشيت شوي وماقدرت اكمل لانو تعبانة ونعسانة بس الالم بيزيد بس محتمل الله مصبرني كان لانو بولادتي الاولى اخدت ابرة الظهر وخفت ما اتحمل هالمرة واخدها مرة تانية المهم اجت الدكتورة قلتلها لسى في الم اشد من هاد صارت تضحك علي قال هي مو اول ولد الك قلتلها انا اخدت الابرة قال بدك اياه ؟؟ قلتلها الان لا بس اذا ما اتحملت ممكن قال ماشي . المهم اجت القابلة قال خليني اقيس نبض البيبي بعدين افحصك هي ركبت الجهاز وراحت انا اخذت معي عسل قلتله لزوجي دوبه مع الماء وعطيته ادعية الولادة وقراها والله يابنات انا شربت نص الكاسة بس غصبت حالي عليها ولا دقائق نزلت مي الراس وفتح 5 سنتي انا فرررررحت قلت لزوجي عطيني عطيني اكمل الكاسة ههههههه بعدها فحصتني قال 8 سنتي قالتلي يالله على غرفة الولادة دخلت غرفة الولادة الساعة تسعة الا ثلث الصبح الساعة عشرة كنت ولادانة الحمد لله
يعني الموضوع كله من دخلتي للمستشفى لولادتي 5 ساعات دخلت الساعة 5 الساعة 10صباحا 1.1 .2008 ولدت الحمد لله
نجي للسر انو من اول التاسع وانا اسحب الاستغفار على نية الله ييسر ولادتي وقرات هون بالمنتدى عن مفعول الاستغفار والولادة وفي منهم ولدوا بدون الم لانو كانوا بيسحبوا الاستغفار بس انا كنت اقول يا ربي بدي الم حابة اتوجع عشان ادعي ويستجاب دعائي وتكفير ذنوب ان شاء الله بس صبرني
والعسل اللي شربته مع الادعية اكيد لعب دور . نصيحة يا بنات لا تشربوا شي ولا تستعجلوا ولادتكن حتى لو عدى الموعد بس للامانة انا قبل ما اولد بكم يوم شربت قرفة وحبة بركة بس ماولدت الا بعد اربع ايام وماحسيت عملوا شي والله اعلم اهم شي الدعاء والاستغفار
انا كتبت قصتي عشان تتشجعوا يا حوامل وماتخافوا والله الالم محتمل حاشا لله انو يحمل نفس فوق طاقتها لو ما بنتحمل ما اجانا هالالم خلوا املكم بالله كبير والله يهون عليكم وتولدوا بالسلامة وعلى قبال اللي بيستنوا الحمل قريبا ان شاء الله